An dem fritage vor vasnacht vnd noch vnser frouwen tage lichtewye wir ratmanne habin mit vnsir eldistin obireyne getragin, daz man vorbaz me ewielich nicht me wenne vumfczik personen habin sal in dem spetal czu dem heiligin lychnam, vnd obir die vumfczik personen, die wyle die lebin, sal man keyne ynnemyn, sunder by der czal der vumfczig personen sal ys blybin; wenne der czal vnmfczig personen abeget, als manche persone abeget, als manche sal man wedir yn nemen vnd andirs nicht; is were denne, ab sich ymant von nues doryn koufin welde, den mak man doryn nemen. Ouch was iczczunt personen ist obir die obgenante czal, die sullen blybyn vnvorruck bis daz se abegesterbin vf vumfczik personen, die wyle sal man abir nymant yn nemyn bis vf die czal, als vor stet geschrebin.