In nomine domini amen. Que ad perpetuam hominum memoriam peruenire cupimus, ideo scriptis, sigillis et voce testium communimus, ne nocendi facultatem in hiis in posterum prauorum inueniat noxius appetitus. Hinc est, quod nos consules Wratislauienses, Tilo de Cindata, Godinus de Bonzlauia, Conradus dictus Grazfinger, Burchardus pellifex, Johannes de Lewenbere, Johannes de Mollisdorfh, Jenzscho de Gorlicz et Johannes, filius Henrici Engilgeri, notum esse volumus vniuersis tam presentibus quam futuris presentes literas inspecturis, quod sutores Wratizlauienses ex vna parte ot ex altera calciorum renouatores inter se mutuo de bona voluntate omnium propter bonum pacis ad remoucn'dum errores et rixas cottidianas taliter ordinarunt, ita quod in numero calciorum renouatorum tantum esse debent viginti et non plures.

2. Ceterum prefati renouatores non debent portare feriatis diebus calcios venales sed solummodo diebus forensibus, videlicet feriis quintis.

3. Item iamiam dicti renouatores possunt et debent in messe omni die per quatuor ebdomadas vendere calcios, vbi ipsis placet, et si ex gracia et peticione dictorum sutorum possunt optinere, vlterius vendent.

4. Item sepedicti renouatores non debent facere nouos calcios sed solum de fron- tibus integris subsoliare et non de alio coreo. Quicunque hoc infringet, soluet penam, que wlgariter dicitur „kur" ; scilicet dimidium talentum cere, quocienscunque excedet.

5. Preterea memorati renouatores tenebunt tantum seruum magnum et par- uum et non plures.

6. Et sepedicti renouatores non circumponent circa calcios raciione ornatus rufas corrigias, quod „lochs" wlgariter nuncupatur.

7. Et quicunque citatus per nuncium ad colloquium non veniet generale, quod wlgariter dicitur „morginsprache", dabit dimidium scotum, excesserit quocienscumque.

In huius rei euidenciam inclinati precibus parcium vtrarumque presentem paginam conscribi fecimus maiori sigillo ciuitatis Wratislauie efficacitcr com- munitam. Datum et actum anno domini millesimo trecentesimo tercio vndecima Kalendas Februarii.

Mit dem grossen Siegel der Stadt.