Wir ratman der stat Breslow bekennen offinbar an desim briue, daz wir mit rate vnser eldistin vnd geswornen vnsern willen dorczu haben gegebin von der vorbenanten vnser stat wein, das di erbern lwte, kouflute vnser vorbenanten stat, habin vnser stat czu erin vnd in czu nûcze bedocht vnd gesaczt czu haldin mit vnsim rate vnd gewissin dise hernochbeschrebenen zachin als wit, als der vor benanten stat Brestow wichbilde beuangen hat, by den busen, di hernoch be- schrebin sten:

1. Czu dem allircrstin, das ein iczlich man trybe koufmanschaft, die gotlich, erlich vnd recht sye, das der stat kein bose wort do von in andern landen vnd stetin icht entste.

2. Ouch sal kein man gelt vf golt lyen adir gebin noch vf keynirleye ware, sye en sy denne do geginwertig, daz her sye sehe vnd ir gewaldig sye.

3. Is sal ouch nymant golt noch guldin gelt vorkeufin, wenne vmme bereit gelt. Swer das breche, der sal gebin von iczlichir marke goldis eyne mark grosschin vnd vom goldinne eyn scot pfenninge.

4. Is sal ouch nymant vorborgin gewant, kuppfir, wachs, pfeffir, noch key- nirhande ware einis vremdin mannis, der vnse burger nicht enist. Wer das breche, der sal gebin von der marke eynen halbin virdung.

5. Is sal ouch kein man vnder den koufkamern pfaffingut noch kein gut

199

hantiren, do von her in winnunge gebe, vnd do von der stat kein recht geschit. Wer do wider tete, der sal gebin yo von der marke eynen halbin virdung.

6. Is sal ouch nymant gewant ader keynirhande war, di her vorkouft hat, selber wider keufin adir wider virkeufin, deme her sye verkouft hat, noch in syner gewalt vbir nacht behaldin. Spricht her aber, is ensye im dennoch nicht vorgewisset, so bite her ir nymande an, bis sy im vorgewissct sye, vnd losse sye yenen denne selber hinwek tragen vnd selber verkeufin, swer das breche, der sal gebin yo von der marke groschin einen halbin virdung.

7. Is sal ouch nymant das, daz her vorborgit hat, schatzin, swas is geldin moge, vnd di wile gelt lyen, wenne do von wechsit gerne hernoch boze rede.

8. Is sal ouch nymant dem andern synen koufman intspehin, noch eyme andern syne ware krenkin ader schendin, noch an keinen zachin hindern an syme koufe. Swer wider di beide tete, der sal von iczlichim tuche gebin eine mark groschin.

9. Is sal ouch nymant kein ander czeichin, wen als is in Vlanderu ist ge- merkit, vf sin gewant machin; swer das brichit, der sal von iczslichim tuche gebin eine mark groschin.

10. Is sal ouch nymant gewant, noch kein ander war, der her nicht bereit hat, verkeufin adir vordingen; wer do wider tete, der sal vorbas me kein kouf- manschaft trybin vndir dem koufhwse.

11. Is sal ouch kein gast wider den andern in vnser vorbenanten stat keufin noch verkeufin golt, sylber, goldine noch keynirhande war, noch koufmanschaft

- ane alleync wyne, hering, vische, pfert vnd vi; wsgenomen alleyne di czwene iarmerkte, di sullin vrye sin, als sy von alder gewest sin. Wer daz breche, der sal der buse sin bestanden: Welch wirt das ouch in syner herberge gestatte, der sal der buse sin bestanden.

12. Ouch sal kein gast dem andern in den iarmerktin verborgin gewant noch keynirhande koufmanschaft. Swer do wider tete, der sal gebin von iczlichir marke eyncn halbin virdung. Wer abir, daz eyn gast gewant herbrechte czu vor- keufene, daz sal her verkeufin binnen eynen mandin vnd nicht vnder vir tuchen vnd sal daz nirgen veyl habin, wen vnder dem koufhwse vnd an dem marktage, vnd wo hers binnen dem manden nicht verkeuftc, so sal hers wider wek vuren, vnd wo her des nicht teto, so sal her gebin von iczslichim tuche eyne mark. Wer ouch das bobin vir wochin herbergte, der sal gebin von iczslichim tuche eyne mark.

13. Is sal ouch keyner vnser burger eins gastis war, di her hi gelossin hette, verkeufin in syme namen eyme andern gaste, adir was keufen in syme namen eyme gaste. Wer do wider tete, der sal uebin von iczslichir marke eynen halbin virdung.

14. Is sal ouch ein iczslich weber ein iczlich lang tuch machen von virczig elin lang vnd eyn kurcz tuch von xxxi n elin lang. Welchs czu kurcz wurde, das sal man im abeslon; welchs ouch czu lang wurde, daz sal man im geldin.

15. Is sal ouch kein weber webchin machin. Wer das breche, dem sal man das webchin nemen.

16. Ouch sal kein weber icht wsnemen, wen her sin gewant verkeuft. Wer do weder tete vnd das vberredt wurde, der sal gebin eynen virdung, vnd welch

200

koufman das wuste vnd nicht meldite den kamermeystern, der sal ouch eyns virdungis sin bestanden.

17. Alle der vorbeschrebenen busen sal vnse vorbenante stat habin czwene pfenninge vnd di kouflute den dritten.

18. Is sal ouch nymant, der nicht czu kamern stet, lange tuch von Gint, von Brossil adir von Louin sniden; wer do weder tete, der sal gebin von icz- lichim snite drye mark groschin vnd das tuch sal czuvor vorlorn sin.

19. Is sal ouch nymant, der nicht czu kamern stet, snyden keynerleye schongewant; wer daz breche, der sal gebin von iczlichim snite 11/2 mark vnd das tuch [sal]1) czu vor verlorn syn. Wer ouch snyte tuch von Brug ader von Mechel, der nicht czu kamern stet, der sal gebin czwu mark groschin von icz- lichem snite, vnd daz tuch sal czuvor verlorn sin. Wer ouch snite tuch von Yppir, von Korterich ader eyn iczlich schone tuch, der nicht czu kamern stet, der sal gebin von iczlichem snite 11/2 mark, vnd daz tuch sal ouch verlorn sin.

20. Is sal ouch nymant, der nicht czu kamern stet, her sy weber, nuune, geistlich ader wertlich, ader wer her were, lancgewant snyden; wer das broche, der sal geben von iczlichim snite dry virdunge. vnd das tuch sal ouch czuvor verlorn sin. Wer aber, das eyn weber lancgewant snite, der sal gebin von rote vnd willen der geswornen vnder den webern, di das mit den kamerherren vber- ein getragin han, von irre gewerkin wein, von itzlichim snite dry virdunge, vnd das tuch sal oucli czuvor verlorn sy, vnd derselbe sal sins hantwerkis als lange enpern vnd nicht tryben, bis her sich mit den koufluten vnd den kamermeistern berichtit.

21. Is sollen ouch dry eyn tuch keufen vnd daz teilen vnder den kamern in dry teil, also daz eyn teil als lang sye als daz ander, vnd wer das breche, daz das anderswo geteilt wurde, tzu weme das were, der sal gebin eyne halbe mark, vnd das tuch sal czuvor verlorn sin, vnd welch schroter in das gewant teilte, wo man das irvure, der sal eyner halbin marke sin bestanden.

22. Ouch sal eyn iczlich koufman, der nicht czu kamern stet, weme her schone gewant verkeuft czu cleydern, das lossin teilen vnder deme koufhwse in dry teil, also das ey n teil als lang behalde als daz ander. Wer das breche, der sal gebin dry-) mark groschin.

23. Is sal ouch kein cromer snyden tobilzan, Harras, noch Berwer, noch noch kein wullin gewant. Wer do wider tete, der sal gebin von itzlichim snite eyne halbe mark groschin vnd daz tuch sal ouch czu vor verlorn sin.

24. Alle dy vorbenanten busin von gewantsnyden sal der kamerlierre, wer der were, nemen czwene pfenninge vnd di kouflute den dritten. Ouch sal der kamerherre, wer der sye, sendin "mit den koufluten, wen sy di busen ader gewant, di in antretin, welden nemen, syne boten, daz si den koufluten behulfin sin, vnd wenne her in nicht hulfe mite sente, so sal her ouch kein teil an den busin ader gewanden habin, di di kouflute czu der czit nemen.

25. Ouch sal der kamerherre, wer der sye di vorbenanten vnse kouflute by rechte behaldin.

26. Alle der vorgeschrebene rede welle wir rathman gewalt habin czu meren czu mynren ader czu bessern noch der stat ere vnd der kouflute nucz vnd vrome. Czu alle der dinge gedeçhtnisse etc.3)

1) Fehlt. 2) Ausgestr. darüber: eyne. 3) Wegen der Datirung s. C. D. Silesiae VIII S. 49 Лиra. 1.

201