In nomine domini amen. Si bona diuino cultui dedicata benigno fauore pro- sequimur, eis alicuius gracie beneficia largiendo, nequaquam ambiguimus, quin pro eo eterne beatitudinis premia consequamur. Ea propter nos Henricus, dei gracia dux Slesie et dominus Wratizlauie, notum esse volumus vniuersis presentes literas inspecturis, quod religioso viro, fratri Tilmanno, preposito hospitalis sancti spiritus, et ipsi hospitali prope Wratizlauiam ad consolacionem pauperum infirmorum ibidem pro nunc et in futuro degencium, vt eo liberius et magis caritatiue tractari et refoueri possint, ac pro salutari anime nostre et omnium nostrorum progenitorum remedio de nostra graciosa munificencia presentibus conferimus et donamus, quod bona dicti hospitalis, videlicet Wysoka, Treschino et Sambicz, ab omnibus seruiciis ducalibus, exaccionibus, vecturis et quibuscunque angariis, so- lucionibus et grauaminibus libera esse vdebent in perpetuum et exempta. Insuper inhabitatoribus dictorum bonorum, scilicet in Wysoka, Treschino, et Sambicz, tam largam presentibus concedimus libertatem, ut pro nullis causis nisi pro causa criminali capitis vel mutilacione membrorum per nostrum sigillum citati in nostra presencia respondere toneantur, alias vero omnes causas preposito dicti hospitalis concedimus et committimus in perpetuum iudicandas. Si quis autem hanc nostram libertatis donacionem pro pauperum infirmorum consolacione fratrum infringere presiunat, coram districto iudice pro nostris ac nostrorum progenitorum reatibus sc sciat responsurum. In horum omnium euidens testimonium presentes literas nostro sigillo fecimus roborari. Actum et datum Wratizlauie VIo Kalen- das Octobris anno domini M° CCLXXVII° presentibus nostris baronibus Symone palentino, Nenckero subpincerna, Henrico subcamerario, Samborio subdapifero, Henrico, fratre eius, Pascone, Alberto et aliis fide dignis.

Hit dem Siegel des Herzogs.