In nomine domini amen. Nos Heuricus, dei gracia, Wlodizlaus, eadem gracia sancte Salzburgensis sedis electus, apostolice sedis legatus, duces Slesie, ad noti- ciam vniuersorum volumus pervenire, quod nos de consensu unanimi bonaque voluntate et libera vendidimus fidelibus et dilectis ciuibus nostris Wratizlauien- sibus theoloneum forense ciuitatis eiusdem in omnibus rebus cuiuscumque generis et nominis in curribus omnium lignorum, in mensis tele et aliarum rerum qualiumcunque et simpliciter in omnibus forensi theloneo subjacentibus ab antiquo, excepto solum, quod ad nostrum monetam dinoscitur pertinere; preterea theolonea infra duo miliaria a ciuitate, nominaliter super Widawam, in Svinar, in Pratscbe et in Psepole, ex altero in Lesnitz, in Galowo et in Muchobor, ubi et tabernam nolumus vltro esse. Ab istis eciam theloneis in Wratizlauia omnis homo habens ius fori vel non liber erit. Licet autem predicti ciues nostri hiis theloneis tanquam re empta libere possent vti, cesserunt tamen omni iuri, quod in hiis habere poterant, voluntate bona et pura propter deum et bonum commune. In cuius rei memoriam et munimen presentes literas sigillis nostris fecimus roborari. Actvm Wratizlauie anno ab incarnatioue domini millesimo ducentesimo sexagesimo VI" presentibus domino Bernhard о et comite Bernhardo. fratribus de Camenz, comite Themone iudice, comite Conrado Svevo, comite Zbiluto, comite Mychaelc Mironowitz, comite Detzone subpincerna, comite Eberardo et comite Symone, fratribus. Interfuit eciam frater Herbordus et alii quam plures viri ydonei et (ide digni. Datum IUI°Nonas Junii, indictione nona, concurrente quarto.

An seidenen Fäden hängen die Siegel Herzog Heinrichs III und Wladislaws, letzteres mit der Umschrift: f S. WLODIZLAl DI GRA ECCE SALZEBVRGEN ELTI.