In nomine domini amen. Si loca divino cultui dedicata benigno favore prosequimur eis aliquo genere beneficia largiendo, ncquaquam ambigimus, quin pro eo etiam aeternae beatitudinis praemia consequamur. Eapropter nos Joannes, dei gratia Boemiae rex, comes Luczemburgensis et dominus Wratislaviae, constare volumus tenore praesentium omnibus, quod religioso viro fratri Joanni, praeposito hospitalis sancti spiritus, ac ipsi hospitali prope Vratislaviam propter gravia illius allata damna et injurias vexationesque angarias in praediis et bonis suis, videlicet Unarcowiz, Somowiz, Treschin et Wissoka nostri Vratislaviensis districtus et eorum censibus, reditibus, utilitatibus, et obventionibus nec non dominiis et iuri- bus qualitercunque per nos, officiales quosdam et alios erogatas et praecipue pro salut[ar]i animae nostrae remedio et quod in omnibus orationibus suis deum pro nostra sanitate libentius quotidie deprecentur, dexteram nostrae munificentiae ex tendere cupientes, ne detentionem, violentiam, molestiam et iniuriam aliquam in dictis praediis et bonis, ac suis pertinentibus, iuribus et dominiis universis per nos, heredes, et successores nostros aliqualiter patiantur; omnia privilegia eis ab illustribus ducibus Slesiae bonae memoriae, praedecessoribus nostris, aut aliis personis quibuscunque data et concessa et omnes libeilates, immunitates, gratias, iura, iurisdictiones, et dominia, quae in eisdem privilegiis clarius exprimuntur, in perpetuum de regia clementia approbamus, ratificamus, gratificamus et ex certa nostra scientia confirmamus, et speciali etiam gratia et favore ipsi praeposito aut qui pro tempore fuerit, ac hospitali praedicto nec non infirmis pauperibus in ipso hospitali degentibus favemus et concedimus gratiose, quod duo magna retía ad piscandum, ut etiam in eorum continetur privilegiis antiquis, per totam terrain nostram Vratislaviensem in aquis et piscaturis nostris et aquarum ascendentibus et descendentibus habere debeant et sine impedimento quorumlibet perpetuis tem- poribus possidere, mandantes illustri Carolo, primogenito nostro charissimo, nec non capitaneo, qui pro tempore fuerit, ac omnibus nostris officialibus Wratislaviensi- bus gratiae nostrae sub obtentu, quod ipsum praepositum et hospitale sancti spiritus in dicta nostra approbatione, confirmatione et libera donatione nullatenus debeant nec praesumant impedire seu molestare nec sinant ipsos per quempiam molestari et impediri, sed ipsos circa omnia iura, dominia, libertates et gratias, de quibus habent literas et privilegia, ut praescribitur, permitiere, manutenere et plenius nostra authoritate conservare. In horum omnium testimonium et robur perpetuum praesentes ex certa nostra scientia eis dari iussimus literas et sigillo nostro ducatus nostri Wratislaviensis ad haereditates et causas firmiter communiri. Actum et datum in praetorio Vratislaviae anno domini MCCCXL in profesto beati Laurentii martyris gloriosi.

147