Ludovicus, dei gratia Romanorum rex, semper Augustus, universis sacri Ro mani imperii fidelibus, ad quos praesentes pervenerint, gratiam suam et omne bonum. Ad utilitatem et incrementum honoris nostri et imperii pervenire non ambigimus, cum subdictis nostris, maxime eis, per quos nostra et ipsius imperii commoda poterunt efficacius promoveri, regiam adhibemus benevolenciam libera lem. Hinc est quod vobis tenore praesentium facimus esse notum, quod nos hac consideratione ad petitionem illustris Heinrici ducis Vratislavie, principis et affinis nostri dilecti, ac propter obsequia, que nobis et imperio utilia in futurum in pendere poterit et debebit, civitatem Vratislaviensem, oppidum Newenmark et castrum Uras, cum eorum pertinenciis et appendicibus universis, que quondam Henricus dux Vratislaviensis illustris bone memorie dictus „der biderbe hertzog Heinrich," olim ab imperio tenuit et possedit, eidem Heinrico duci, nostro affini et Elisabet, Offamic et Margarethae, ipsius filiabus nunc existentibus, ac aliis suis liberis tam masculini quam feminini sexus, quos ipsum in futurum habere contingerit favorabiliter et gratiose in feodum a nobis et imperio tenendum per ipsos et habendum, contulimus et concessimus ac eciam concedimus per prae sentes volentes nichilominus et addicientes de gratia speciali, quod si praefatum ducem et suas filias praenominatas aliis ejusdem ducis masculini vel feminini sexus liberis nullis superstitibus decedere contingent ab hac luce, extunc illustris Anna, dicta ducis nunc contoralis, si supervixerit, usufructum civitatis, oppidi, castri et pertinenciarum ipsarum praedictarum habeat et possideat tanquam in feodum a nobis et imperio pro tempore vite sue. In cujus rei testimonium prae sentes conscribi et sigillo nostro majestatis jussimus comuniri. Datum in Fulda XIIo Kalendis May anno domini millesimo C°C°C° ХХ°Ш°, regni vero nostri anno decimo.

107