Nos Johannes, dei gracia Boemie rex ac Lucemburgensis comes, notum faci- mus vniuersis, quod nos aduertentes et in animo sollicite reuoluentes, quia pro pter humane racionis fragilitatem non possunt communiter mortales homines inscii euentuum futurorum quibuslibet futuris periculis obuiare, eoque ex accionum nouitate noua cottidie dubia generantur, que propter nostram absenciam non pos sunt, vt opus foret, vtiliter diffmiri, volentes itaque viam iniuriis precludere et patentem facere semitam veritati decernimus ac eciam edicto perpetuo sanccimus, quod quocienscunque et quandocunque in priuilegiis et literis dilectorum nobis consulum et ciuium Wratislauiensium fidelium nostrorum graciam uel iusticiam continentibus aliquales defectus in quibuscunque punctis seu clausulis ipsarum reperti fuerint seu poterunt inueniri, mox auctorítate nostra, quam virtute pre- sencium ad infrascripta concedimus specialem, conmunitas vassallorum nostrorum Wratislauiensis districtus tres de numero consulum ciuitatis debebunt eligere, et consulum vniuersitas tres de congerie vasallorum eligent viceuersa, qui sex rite et racionabiliter sic electi arbitrio communi potestate regia, quam ipsis in hac parte copiosius delegamus, omnem huiusmodi defectum, siue sit in literis vel tenoribus earundem, quascunque materias videatur respicere, siue sit in ses- sione banci scabinalis, in ordine iudicii aut iuramentis prestandis vel aliis iuribus et vtilitatibus instaurandis, statutis condendis, commodis procurandis vel in qui buscunque aliis causis uel negociis, quibus specialiter nominibus appellantur, de bebunt, tenebuntur et poterunt iuxta fidelitatem suam, qua nobis et corone regni nostri fore videntur astricti et iuxta prudenciam ipsis a deo collatam, vbi iuxta premissorum contenenciam opus extiterit, pro suo beneplacito pari consensu et voto communi fideliter emendare; ijratum eciam ratum et illesum ab omnibus seruari mandamus et volumus, quicquid correctum, emendatum seu declaratum fuerit per eosdem, inhibentcs omnibus et singulis fidelibus nostris, ne quis sub optentu nostre gracie presenti nostre ordinacioni ausu temerario contradicat, nostre indignacionis aculeos contradictor quilibet se cognoscat grauiter incursurum. Pre- sencium sub nostro sigillo testimonio literarum datum Prage in crastino sancti Valentini anno domini millesimo trecentesimo quadragesimo sexto.