In gotis namen amen. Wir ratman der stat czu der Olow, Petir Westeual, Vlrich Schroter, Nyclos Webir vnde Niclos der Kinde, bekennen des offinbar an desym briue, daz wir mit rate vnde mit gutem bedechtnusse vnsirs erbeuoytes Amoldes, vnsir gesworn vnde allir vnsir eldesten von vnsir stat wegin vns habin bericht vnde voreynet mit den ersamen luten, den ratmannen der stat czu Bres lau von der selbin stat wegin vmme den grabin, den sy habin gehabit von gna din vnde gabe der furstin, der von aldir gegangin hat durch vnsir stat vyweide ve der Oder bis in das wassir der Olow, der do von ettislichem hindirnusse ge- fullit vnde vorslemmet was, dorumme si vns habin gegebin ire pfennynge, der wir bedorft habin czu vnsir stat not, das sy dyselbin ratman von Breslau den vorgenantin grabin wyten mogen durch vnse vyweide vier vnde czwencic ellin, als her von aldir gewest ist, vnde mogen den vegin vnde slemmen als dicke, als des not geshit, also das das wassir vs der Oder in di Olow vlysen solle ewiclichen vngehindert. Ys sollin ouch di vorgenantin ratman von Breslaw einin vlogel czwelf ellin lanc slan vnde machen, ab is not geshit, von deme were des grabin gerichte bis in dy Oder, vnde dor czu vnde czu andir notdurf des grabin mogen si wol nemyn rys vnde rasin uf vnsir vyweide, wen si des bedurfen. Di brucke, dy do obir den selbin grabin geet, dy do wart gedackit mit burden vnde mit erdin, do von der grabe gefullit wart, die globe wir [von] vnsir etat wegin vorwert me czu haldin mit delin, also das der grabe do von vorwert vngefullit blibe. Von vnsirm vie, das da durch ginck, do ouch ettiswenne der grabe von vorfullit

134

wart, das globe wir en helfin czu werin vnde czu wedirn, daz do von deme grabin keyn shade vorwert me geshe. Dor obir habe wir desin brif mit vnsir stat ingesigil gegebin vorsigilt. Nach gotis geburt tusint drihundirt yar in deme vier vnde drisigestin yare an der mittewoche nach sente Lucas tac des ewangelisten.

An seidenen Fäden hängt das runde Siegel der Stadt Ohlau einen Hahn darstellend mit der Umschrift: f S. VN1VERSITATIS. CIVIVM. OLAVIENSIUM.