Breslauer Urkundenbuch, Nr. 202, S. 190
Karolus, dei gracia Romanorum rex semper Augustus et Bohemie rex, tenore presencium recognoscimus vniuersis regiam nostram celsitudinem prouidis et soler- tibus documentis fidelium et dilectorum nostrorum consulum Wratislauiensium realiter fore clarius informatam, quod consilium Wratislauiense et tota ciuitas nostra ibidem penes octo consules antiquo more electos pocioribus uiguerit pro- fectibus commodosius quam iuxta triginta duos nouella electos consuetudine per felicis recordacionis illustrem Johannem, olym Bohemie regem, genitorem nostrum reseruata. Quam ob rem iustis et deuotis eorum precibus inclinati ex solita nostre celsitudinis clemencia annuimus et fauemus propter instaurum melioracionis dicte nostre ciuitatis Wratislauie, ut ammodo electio triginta duorum consulum in octo solito priori modo per predictos nostros consules in perpetuum resumetur, nolentes per hoc iuribus, libertatibus et inmunitatibus eorum in aliquo derogari presencium sub nostro sigillo testimonio literarum. Datum Legnicz anno domini m ccc xl nono vin Decembris, regnorum nostrorum anno tercio.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}