CCCXII.

Wir Haug vnd Hainrich brüder, genant die Thursen voп Liechtenuels, veriaehen allen den, di diesen brief ansehent oder hórent lesen, daz der gewaerft, der zwischen dem erbern manne abt Bertolde von dem heiligen crvce aen seite, vnd Murreln, hern Chunrads diener von Potendorf, ander Seite geschaehen ist vmb ein waeide, die derselbe Mvrrel da zu dem Chaltengange bei Drumawe hat, mit vnser gunst vnd mit vnserm guten willen gescha hen vnd ergangen ist; vnd wand diu aeigenschaft desselben gutes vnd swaz der uorgenante Mvrrel anders da hat, vnser was, daz er uon uns zu lehen bette, so hab wir dem abt und der samnunge von dem heiligen crvce diu aeigenschaft der waeide vnd alles des, daz er da von uns zu lehen hat gehabt, lediclich aufgegeben vnd haben daz gelobt zu schermen als landes recht ist. Vnd zu widerwehsel haben wir genomen von dem abte vnd dem conuent »in halbez lehen da zu Wartperge bei Egenburch, daz alle iar dienit aein halb phunt vnd zehin phening wienner, daz sol vns auch der abt vnd die samnunge von dem heiligen crvce schermin als lands recht uordirt. Disen brief han ich Haug mit meinem ingesigel von vnser beder weg versigelt, wand mein bruder nicht ingesigels hette, vnd des wechseis, der recht vnd redlich zwischen uns geschaehen ist, sint geziuch her Chumad, her Sybot vnd her Hainrich drei bruder genant von Potendorf, vnd zu uorderst abt Eber uon Zwetel, vnd Orte von Rauhenek vnd Rœin- precht vnsere vettern, her Otte von Wildek, her Marquard des Chunringer ritter vnd manig ander frum man. Dirr brief ist gege ben da zu Wienn, da dirr Wechsel geschach, an sand Mathies tag, du von Christes geburt ergangen waren thausent vnd zwaei hundert, vnd vunf vnd niunzich iar.

Original auf Pergament mit einem Siegel.

280