CCCVIII.

Wir Abt Perhtold vnd dev Samnung von dem hailigen Chrevtz grabes Ordens tven ze wizzen an diesem brief allen laeuten, die in nv lesent oder noch lesent werdent, daz wier mit gvetleichem willen vnd gemainem rat vnser aigen, daz wier an Holtz vnd an waid haben pei Govnesdorf vnd bei Bœbstorf, hingegeben vnd verchouft ze rehtem bvrchreht haben den Burgern von Govnesdorf, des Herzogen Lauten, vnd ouch vnsern Lauten von Bœbstorf also, daz an alle widerred die sailben Burger von Govnesdorf vns davon iaerleich aht phvnt w/e?îrai?rphenning dienen schvllen, vierphvnt ze weihnahten vnd vier phvnt ze sand Gorgen messe, vnd ouch vnser Laeut von Bœbstorf siben phvnt der selben mvnz dienen schvln, vier phvnt ze weihnahten vnd drev ze sand Gorgen messe. Daz saelbe pvrchreht hab ouch wier in ovzbeschaiden an tailen vnd an gemerchen, als hie geschrieben stet. Des ersten ist gevallen ze tail des Herzogen Laeuten von Govnesdorf'ein holtz, haizzet de\Eben, vnd aver ein holtz, haizzet daz Haslach, vnd aver ein holtz, haizzetRadmarschogel, daz get vntz an daz holtz, das da haizzet der Ger, vnd an daz Hasla, vnd daz Hengestal, daz in die eben gehort. Darnah ist gevallen ze tail vnsern Lauten von Bœbstorf ein waid, haizzet dev Haid, darinne leit ein acher, der angehört des Schellen erben, der ê amtman was, der vns dient zwaintzich phenning, vnd darzve ist in gevallen ein holtz, haizzet di Ha7iifleit, vnd ein tail, haizzet der Ger von dem Radmars chogel. Daz tail get von der Pœbstorfer aechern vntz an der Schricher wech. Daz dieser gewerft zwischen vns vnd in staet beleih vnd vnverwandelt, des geb wir in disen brief versigelten mit vnserm insigel, vnd setzen daran die nam der Gezevg, mit derer gewizzen iz geschehen ist. Des ersten Maister Gotfrid des Herzogen obrister Schreiber, Herr Herman von Landenwerch der obrist Marschalh, Herr Vlreich von Chlingenwerch, Herr Alber von Pœllendorf, der Zolr von Radavn, her Chvenrat der hvebmaister, Her Greiff ouï der Stetten, alle dienstman vnd Bitter des Herzogen vnd des Landes, vnd ander vrumer Laeut genvech. Daz ist geschehen vor vnserm heren dem Herzogen Albreht von Osterreich und von Steyr nah vnsers heren

18*

276

gebverd tovsent Jar, zwai hundert iar, an dem Vierden vnd Neuntzegistem iar.

Original auf Pergament mit Siegelrest.