CCCVI.

Ich Pilgrrim Hern Paltrams sun vergih vnd tven chvnt allen den, di disen brief lesent oder horent lesen, di nv lebent oder her nah chvmftich sint, daz ich mit gvetem willen vnd verdahtem mvet, vnd ouch mit gveter gvnst meiner svne Paltrams vnd Pilgreims vnd ouch ander meiner erben, dev noch zv ier iarn niht chomen sint, daz ist Mœhthilt, Haym, Margret vnd Jans,fvr devwier baidev, ich Pilgreim vnd ouch meinbaide svn die vorgenanten Paltram\nd Pilgreim rechter scherm werden, vntze si zv ier iarn chomen, var daz gvet, als her nah benant wiert, daz sint vvnf phvnt wienner phenning gaeltes, dev ich durch got vnd durch meiner hovsvrowen sei willen vron Mœhthil- den, der got genade, vnd ouch durch meiner selben sei willen meines rehten gvetes geschaft han dem Chlôster vnd dem Conuente datz dem Hailigen Chrœutze ewichleih ze haben also, daz man iaerleieh vnd ewichleich dem Conuent des selben Chlôsters an dem Maentage in der Chraeutzwochen isleichem brveder geh ain stukeh vische, vnd des naehsten Eritages darnah aver ein stvkche vische, vnd des naehstem Mittechens darnah, daz ist an vnsers hern avfvart abvnt, aver ein Stukche vische, vnd Semelein brôt, vnd bezzern wein, dann ier rech- tev phrvent sei. Vnd wil ouch daz, daz man an dem saelben vorgenan ten Mittechen iaerleich vnd ewichleich meiner Hovsvrowen iartach der vorgenanten vron Mœhthilden vnd ouch mein Pilgreims iartach bege, vnd swann got vber mich gebiete vnd swa ich in dem Lande staerbe, da schvln mich die vorgenanten heren von dem Hailigen Chrœutze

273

nemen mit ier choste vnd schvln mich bringen hintz ierChlóster, vnd schvln mich da bestatten in meiner hovsvrowen grab, vnd schvln vvrbaz vnser baider iartach mit einander begen an dem Mittechen als vor benant ist. Der vor genanten vinf phvnt geltes der leit ainez ouf Penditen hovs des Juden ze wienne ovf dem hovse, daz da leit ze naehste bei dem schvl hof der Juden. Daz schaff ich in ewichleich ze haben, daz schol man in dienen mit einander alle iar an sand Michels tage, vnd die andern vierev schol man in dienen ze Mœtz- leinsdorf von aechern, von Weingarten, von phenninch gaelt vnd von allem dem, daz ich da han nach Purchrehtes reht, dreistvnd in dem Jar ze Weinahten, ze sand Gorgen messe, vnd an sand Michelstage ze isleicher zeit ein phvnt vnd achtzich phenning, vnd schvln dev dienen mein holden, oder swer daz saelb gvet in gwer vnd in gwalt hab, also mit beschaidner red, ob ich Pilgreim oder mein erben so stathaft werden, daz wier dev selben vórgenanten vier phvnt gaeltes ab schvln losen mit anderm gaelt, der in als gvet sei. Vnd die saelben vinf phvnt gaeltes schol alle iar innemen der Siehmaister von dem hailigen chrœntze, swie der dann genant sei, vnd schol den Conuent alle iar davon besehen des, als vorgeschriben ist. Vnd swa man dem Conuent des niht enlaist, als vorbenant ist, so schol ich Pilgreim oder mein erben mich des vorgenanten gvetes vnderwinden, vnd schvln wider ouf mich oder ouf mein erben gevallen. Daz disev red also staet sei vnd immer vestichait hab, dar vber gib ich dem vor genanten Chloster vnd dem Conuent disen brief, vnd zeinem vrchvnd diser sache, vnd han in den bestätigt mit meinem insigel vnd mit hern Haymen insigel, hern Otten svns, meines geswein, vnd mit disen gezeugen, die hernah geschriben sint, daz ist her Hainreich mein Capplan von sánd Margreten. Her Ott, hern Haimen brveder. Her Paltram der Vatz. Her Rveger an dem Witmarcht. Her Paltram sein brveder. Hainreich mein brveder. Her Paltram ouf der Slah- stvben. Her Hainreich hern Ту�?тeп brveder. Her Fridreich der Stadlower. Her Johan der schreiber in der Slahstuben, vnd andre vrume laeut genvech. Diser brief ist gegeben ze Wienn des Jars nah vnsers Heren gebverd an dem Tovsentisten zwaihvndertisten vnd vier vnd Neuntzegisten iar an sand Gilgen tage.

Original auf Pergament, dessen drei Siegel fehlen.

Fonies. XI.

18

274