CCCXVII.

Wier Hainrich der Lœvbel der Richter datz Newenstat vnd die geswôrn ze dem rate da selben tvn ze wizzen allen den, die disen brief sehent oder hórent lesen, daz die gaistlich vrowen swester Margret die Priorin vnd der Contient datz sand Peter ze der Niwenstat in der Sperre der Prediger ordens einen tail einer bad- stuben, dev weilen hern Hainriches des Wvrflaer, darnah Johanseti

284

sines suns was, der vf vier phunt geltes geahtet ist, vnd der Swester Wenteln, des vorgenannten Richters tôchter, an der tailunge des gutes, daz der vorgenante Johan ir wirt nach sinem tode lie, an- gevallen was, do si dannach bi ir vater was, vnd den si auch mit irs vater des vorgenanten Laevüns, vnd ir muter Chunigunden, vnd aller der gerben, die dazv recht habn mochten oder solten, gutem willen vnd bestaetigung brachte zv dem vorgenanten chloster, do si sich drin begab, do si ez wol mochte getón, verchauft habent mit allem dem recht, mit dem nutz vnd mit aller der gewer, vnd si di vorge nannten Hainrich der Wvrfler vnd Johans sin sun her heten bracht vnd besezzen, dem appet Berchtolten und der Sampnunge ze dem Hailigen Chrevtz ewiklich ze besitzen vmb vier vnd zwainzieh phunt phenninge gezalter wienner, die di selben vrowen habent dar vmb e enphangen, vndsint chomen in des vorgenanten gotsliauses nutz. Vnd devselbe batstub wart vnd ist von den vorgenanten vrowen mit des Priors vnd des Conuents von den Predigern gutem willen in des Richters hant vfgegeben, vnd von dem Richter dem vorgenanten appet vnd dem Chelner von dem hailigen Chrevze geantwort ze vnser kegenwvrt. Daz diser chauf, der so redlich vnd so recht vor vns ergangen ist, staete vnd ewich beliebe an alle ansprach vnd irrunge, da geb wir vber dem appet vnd der Sampnunge ze dem hailigen Crevtz nach der vrowen bet disen brief ze urchvnde mit der stat ynsigel ver sigelt, vnd mit den gezewgen, die da bi sint gewesen, die auch hie belovcht vnd benant sint. Hainrich der Levbel vnd Bvger sin bruder, Dietrich der ysncr, Mert der visinch, Rudolf der Fœvtsch, Dietmar der Fœvtsch. Siefrid der Zengwein vnd ander biderb levte. Diser chauf ist ergangen vnd diser brif gegeben von Christes geburt vber Tausent vnd zwaihundert und in dem sechs vnd Nivnzegisten iar, des Mittechens in den Chottempern vor sand My cheles tach.

Original auf Pergament mit Siegelrest.