CCXVI.

Wir Sigismund von gots genaden abpt ze Hachennfurt Andree prior vnd der gancz conuennt daselbs bekoennen vnd tuen kund offennleich mit dem brief fur vnns vnd all vnser nachkomen, das wir recht vnd redleich schuldig worden sein vnd gelten sullen dem edeln hern herrn Reinprechten von Polhaim vnd allen seinen eriben vier- czigk newer Vngrischer gulden wol gewegen gerecht vnd guet in wag vnd in golde, die sy vns berayt gelychen haben durch vnser fleissiger bete willen, die wir im vnd sein erben anuerzogenleich ausrichten vnd bezallen sullen vnd wellen auf sand Jorigen tag christ (sic) kunftig. Teten wir aber nit des, was er oder sein eriben dann der vorgenanten vierczigk gulden scheden nement, wie der schadt genant ist, ir ainer oder ir gewisser scheinpot mit slechten warten vngesworen gesprechen mag, den selben schaden mit sambt dem haubtguet globen wir im mit vnserrn trewn genczleich ausze- richten vnd wider ze cheren an alle sein mue vnd scheden. Sy sullen auch haublguet vnd scheden haben dacz vnns vnd vnserrn trewn vnd nachkomen vnuerschaidenleich vnd darzu auf aller vnser hab vnd guet, so wir indeit haben gewinnen oder hinder vnnser lassen, es sey erib oder vurendt guet, wie das genant oder wo das gelegen ist nichts darinne ausgenomen, noch hin danne geseczt. Vnd mag er vnd all sein eriben sich der so vil vnderwinden mit recht oder an recht, wie sy Verlust vnd die so lang inne haben nüczeirvnd nyessen, bis sy haubtguets vnd aller irer scheden darann gennczleich äusgericht vnd bezallt werdt. Das ist alles vnnser guet- leicher wil vnd wort, wier sein lemptig oder tod vnd wir oder yemant von vnnserntwegen dawider krigken rechten oder täten, das haben wir an aller stat vnrecht vnJ verloren vnd er gegen vns [b e-]

271

habt vnd gewunnen. Vnd wer den brief mit iren gueten willen inne hat, dem oder den sein wir alles das schuldig vnd gepunden ze gelten vnd ze uolfüren, das an dem brief geschriben stet zu gleicher weyse als in selbs getrewleich vnd vnuerleich. Czu vrkund gehen wir im vnd sein eriben fuer vns vnd vnnser nachkomen den brief besigilten mit vnnserrn aygenn anhanngunden insigel vnd zu pessern Sicherhait haben wir gebeten den edeln Busko von Rowne, das ei sern sigell zu zeugnuzz an den brief gehanngen hat im vnd sein eriben an schaden. Der geben ist ze Hachennfurt an mitichen nach sand Kathrein tag nach Kristi gepuerd vierzehen hundert jar vnd in dem acht vnd dreyssigisten jar.

Die Siegel fehlen.