CCLVII.

Wir Thomon von gotes gnaden abbt des gotshaws zu Hohenn- furtt vnd gemainldich der gancz confent doselbs bekennen vnd thun kund offentlich mit dem brieff allen, den er furkumbt, das wir vnuerschaidenlich mit einander schuldig sein vnd gelten sullen dem edlen Hannsen Velber zu Kuffarn vnd allen sein erben ader wer den brieff mit irm guten willen ynnhat, funftzigk gutter Vngrischer gulden gerecht an gold vnd wag, dye er vns zu vnsers vnd vnsers gotshaws anligunder vnd merklicher natturft vnd nach vlesiger gepet all berait gelihen hat, der wir sy vnuertzogenlich ausrichten petzallen sullen vnd wellen mit peraiten rechten gulden gut an gold vnd wag vnd sunst mit kainerlay werd nach pffenwertt aufl' sand Michels tag schirst vnd nachstkunftigen zu Passaw in der statt an all wagnuss verpot irrung zerung mue vnd schaden getrewlich vnd vngeuerlich.

320

Vud zu pesser sicherhait haben wir yn zu rechten furpffant einge salzt von erst ein silbreine toffel neben vnd ynnen vergolt mit einer rosen darinne parillen vnd mit hailtumb gefast, auch oben darauf!' an dem ort sand Johanns pild vergolt, der hat sand Johannis zand yn der handt, vnd in der mitte ein engel mit ainem kreutzlein darinne nichtz, vnd ist an dem fuess zuprochen. Vnd an dem andern art ist sand VVenlzla pild mit einem silbrein teschlein, darinne dann stet ein schwartzer adler, stet auff zwain vergolten leben, wigt als ains vnd twainzig markch silber. Auch mer ein silbreine vergelte taffei mit sand Maria Magdalena püde yn der mift vnd an yedem art zwen engel auch vergolt, wigt dreytzehen markch vnd zwoy loth. In solicher maynunge ob wir sy irer bemelten summa gülden auff dy zeit vnd inmassen, wie vorstet, nicht ausrichteten vnd betzalten, was sy des darnach schaden namen, es wer mit zerunge po1enlan nachraisen an Kristen Juden mit glaitgeld ader wie der schad ymmer genant gehaissen ader gezelt werden kunt ader möcht, kainerlay schaden ausgenomen, irn schlechten Worten darvmb zu gelawben, dy selben schaden all zu sambt dem hawptgut sullen sy vor allen anderen lewten vnd geltern vnd vor aller manichlicher haben vnd bekomen zu vns vnsern gutshawss vnd nachkomen auch auff den obpestümbten zwain taffein irm furpffant vnd vnuerschaidenlicher auff aller vnser vnsers gotshawss erb gülten vnd güttern varund vnd ausligund, kainew auch nichl/ besundert nach ausgeschaiden. Er vnd sein erben haben auch macht vnd gewalt, ob wir sy auff den obbestümbten tag nicht belzalten, dy zwo taffein verrer zu ver- kümern ader zu uersetzen vmb dy bemelte summa gulden. Vnd was er des schaden genomen hat an vnsers vnd mayniklichs von vnseren wegen irrung vnd widersprechen vngemainklich, dohin sy alsdann alle ire recht geistlicher vnd weltlicher gantz erlangt behabt vnd gewunnen haben vnd wir dowider gantz vnrecht vnd verlaren an all ariger liste vnwidersprechenlich an geuarde. Darvmb ze warem steten vesten vnd gutten vrkund geben wir in den brieff mit vnsers confents anhangunden insigelen, so haben wir gepeten den wolge- baren herren herrn Jan von Rosennbergk obristen komier des königreichs ze Behaim vnseren gnedigen herren, mit des erlawben gunst vnd willen wir solh taffein verselzet haben, das er sein insigel im vnd sein erben an schaden auch an den brieff gehangen hat. Vnd verpinden vns darunder vnuerschaidenlich zu einander für vns vnd

321

all vnser nachkomen war vnd stat zu balden inhaltung des brieffs, der geben ist am eritag nach sand Johanns tag zu sunnebenten nach Cristi geburde im vierlzehenhundert vnd dem newn vnd sechtzigisten jar etc.

Die Siegel fehlen.