LXXXI.

Ich Johan von Mychnitz vnd ich Wanat puergraf vnd ich Nycla schaffer von Rosenberch verleben vnd tuen chunt offenbar an disem prief alle den, di in lesent oder lesen hoerent, di nu lebent oder hernach chvmftig sint, daz der erber herr apt Thoman von Hohen- fuert ein recht het hintz seinem holden Hermann von Crakawitz; darvber wuerd wier genomen paydenthalben zv schiedlevten vnd haben daz beschaiden vnd vertaidigt, also sam hie g-eschriben stet. Der vorgenant Herman het genomen var etleichen jaren ein hantfest vber sein chaufrecht ze Crakawitz von dem ersam herren apt Tho- mann von Hobenfuert vnd von der erbern sampmung, devselben hant fest macht er nicht gezaigen; chem div selb hantfest fuerwaz immer fuerd levt anz liecht, so scholz chain recht vnd niehteznicht chreft haben. Er schol dienen alle jar vain hof ze Crakawitz ein halbs phunt vnd gantzen zehent gen chloster, vnd der hold, den er var dem tar hat gehabt, der schol fuerwaz ander niemant dienen den demselben chloster ze Hohenfuert. Disev schidung hat der vorgenant Herman im Vfid seinem chaufrecht ze Crakawitz genomen zv einem recht vnd hat daz getan vnbedwunchleich vnd mit gar guetleichen willen Daz wier der sach ewig tzevg sein, darum geh wier disen prief bestetigten vnd wol versigelten mit vnser allen drein anhangenden insigeln. Diser prief ist gegeben da von Christez gepuerd ergangen warden drevtzechen hundert jar darnach in dem acht vnd dreiskistem jar tzvnwenten.

Drei kleine, gut erhaltene, an Pergamentstreifen hängende Siegel ¡n weissem Wachs, a) Ein Helm, dessen Zierde in einem Paar Ochsenhörner besteht. — -j- S. Johanis . De . Michniz. — b) Ein Helm mit zwei fächerartigen Verzierungen. — S . Wanate . Pvrcravii . Rosebci. — c) Ein Helm mit einem Frauenkopfe (?) zur Zierde. — f S. Niklas . Von . Nemtez.