Ich Domyn von Passawerslag vergich vnd tven chunt offenbar an disem prief allen den, di in sehent oder lesent oder hoerent lesen, daz ich mit wol verdachtem mvet vnd mit meiner pesten vrevnt rat durch meiner sei willen vnd aller meiner voruodern sei ze einem rechten selgeraet gib vnd geben han der gemain der samnung dez chlosters dacz dem Hohenfuert ze einer pesservng irer pfrvent zway leben, dacz Kalicz in dem dorf, daz mein vreis vnd mein rechts aygen ist gewesen, vnd daz niderhalb des weges zder tenken haut leit, da man von Passawerslag gen Chrumnaw reitt, da izunt aufge sessen sint Jacob vnd Haertel vnd Andre der richter, in allem dem recht vnd ichs in aygens recht mit allem nuez herpracht han, also gib ichs ledichleich der samnung dez vor geschriben chlosters ze Hohenfuert. Also beschaidenleich ob ich verschied an gerben, dez got nicht engeh, wem dann daz aygen augeviell, der schol der vor genanten samnung ze Hohenfuert geben dreizzichk schok grosser phenning Prager mvense, so wirt daz aygen von in ledig. Di weil man in dez vorgenanten gvet nicht geit, so schullen si is inne haben in allem dem recht, vnd si ander ir aygen gvet inne habent. Vnd dar vmb pitt ich meinen genaedigen herren hern Petern von Rosenberch, daz er diser sach vnd diser red rechter zevg vnd schermer mit seinem insigel an disem prief sey. Vnd ich Domyn von Passawerslag gib

se

disen prief ze einem rechten vrchvend vnd zv einer bestaetigvng, daz disev red gancz vnd vnzebrochen beleih ewichleich, wol ver- sigelt mit meinem insigel. Diser prief ist gegeben ze Hohenfurt in dem chloster, da von Christes gehurt ergangen warn drevczehen- hundert jar, dar nach in dem ain vnd viertzigisten jar an sand Jo hannes tag ze sunbenten.

Zwei kleine, an Pergamentstreifen hängende Siegel in weissem Wachs. a) Siegel Peter's von Rosenberg wie in LXXXII. b) Ein Schild, worauf eine Mannesgestalt (ein Mönch?), die den Zeigefinger der Rechten erhoben und in der Linken eine Rolle oder einen Stock halt..— f S. Dominic, [i . De.] (?) Passawerslag.