!67. 7. Januar 1298 o. O. Heinrich Lup von Herrcnberg verkauft mit seines Herrn, des Grafen Burkcird von Hohenberg, Hand und unter dessen Siegel eine Hellergült aus dem Fronhof zu Sulz (O.A. Nagold) an das Kl. Reuthin. Allen den sol kunt sin die dism brief sehent alder hören lesen, daz Jhc hainrihc luv von Herrenberg den vrowan von Rüthi Vi wilperk, die da sint in Bredier orden mit mins Herren hant Graue Burchartez von Hohen berg vnd mit aller miner erban wizMt vnd willen vünfzehen schillinge tüminger, die mir alliu iar werden von dem vronhovc ze Sulz ze rehtem gelte vnd süben schillige tuminger von der Ripoltinun wis han verloset vür «in stet gelt. Vnd daz dirre vorgenant kos war vnd stet blib an disen gegenwertigen brief mins vorgenanten Herren Graue Burchartes vnd der stete Insigel von wilperk henk ihc an disen brief ze ainer bezüknust dez kofez, der da vor gescriben stat. Dirre brief wart gescriben do von Gottez gebürt warn zweihundert iar Nünzeg iar vnd aht iar an dem nehsten zistag nah dem Oberasten tag. Dez sint gezug her hainrich der Capelan von Ruthi, her Berthold von pforzhain, lüp, Burger von wilperk vnd ander erber lüt.