813. 2t. Dezember 1402. Oberndorf. Urbar der Stadt Oberndorf. Wir der schultheiß vnd der Raut der statt ze oberndorff verienb daz vnser Herr der vogt Herr burkart von Mannsperg zü vns köm vn, vnser bett daz wir jm ze erkennend gebin waz nütz ze oberndorf wenn da habin wir getän vnd wissin nit anders denn daz vnßer gnediger Herr der Margraf sammenthafter nütz nie Hab denn dez ersten hundert pfunt haller vnd fünf pfunt haller von der stür vnd Nun pfunt haller vs der Hofstat zins, die doch nit gar werdent von brcmdes wegen vnd aht pfunt haller vs dez dürssen mülin vnd vierthalb pfunt haller vs der diesselmülin vnd zenhen pfunt haller vs der müli in der statt, die zenhen pfunt haller gänd erst an von Nun wie- nahten ober «in jaur vnd zmai pfunt haller von der bad st üben vnd zmai pfunt Haller von dem alment zenhenden git gerdrut die winmennin vnd zenhen schilling haller us der segmulin vnd drissig schilling haller tuch stür, vnd ain pfunt vnd vier schilling Haller vfs dem banschatz von den wirten Noch gaben zwo mülinen sechtzehen pfunt Haller da hant die ain Mülin wol inzmaintzig iären nützit geben, vnd die ander mülin hant in sechs iären nützit geben Vnd ist ouch versenhenlich daz sü by vnseru ziten nit me buwen merdin daz sü kain gült gebin So missin wir ouch nit daz daz geriht als vfenklich sig als es vor ziten gewesen fig Vnd missin nit ander namhafter gült die gen oberndorf hörin vngeuarlich Vnd dez ze offem vrkund So habin wir vnßer stett «igen Jnsigel offenlich gednikt in disen brieff ze end dirre geschrist der geben ist an sant Thomas tag dez Hailigen zwölfbotten In den: jaur do man zalt Nauch cristi geburt viertzenhenhundert jaur vnd dar nauch in dem andern jär Summa anderhalb hundert pfunt haller vnd ,rün pfunt Haller minder sehs schilling Haller so es gar gefelt daz es doch ietz nit tut.