von N. her.
Wir Grauff Rudolff von Hachenberg veriehen offenlich mit disem brief vnd tuen kunt aller menglich, Daz vns die vesten vnd Erbern Wernher vnd Hainrich von Niunhusen gebrüder vnser lieben getruwen gar vnd gentz lich gericht gemert vnd bezalt HSnt Der vierzehen hundert guldin allez guter vnd rechtgemegner guldin guter von gold vnd swer genüg an der gewicht, Die sy vns von der bürg vnd dez dorfs wegen ze Niunhusen schuldig gewesen sind, vnd dar- vmb so sagen wir die felben vorgenant Wernhern vnd Hainrich von Niunhusen vnd alle ir Erben Der selben vorgeschriben vierzehen hundert guldin für vns vnd für alle vnser Erben vnd nachkommen allerding quit, ledig vnd lose gentzlich vnd gar Mit vrkund ditz briefs, den mir in vnd iren Erben dar über besigelte geben mit vnserni aignen angehenktem Jnfigel, Der geben ist dez nechsten aftermentagz nach sant Erhart tag, Do man zalt von Cristz geburt Drivzehen hundert Iar vnd dar nach in dem Sechs vnd Achtzigstem Iar etc. etc.
B. d. Orig. im St.-Archiv zu Stuttgart. — Mit einem kleinen Siegclrcste.
Schmid, Ludwig: Urkundenbuch der Grafen von Zollern- Hohenberg Teil II, 1862 (Google data) 738. , in: Monasterium.net, URL </mom/UrkVonZollernHohenbergII/393cffe6-9175-434d-bcf0-c016f9dab936/charter>, accessed at 2024-05-05+02:00
The Charter already exists in the choosen Collection
Please wait copying Charter, dialog will close at success