Wir Graue Burk«rt von Hohcmberg der Junge, Vnd mit vnS vnser liebui Elichu) Husfrowe Anne dez edeln Herren Götfrid von Hohen- loch Herr zu Brunecg tohter veriehen offenlich an disem brief für vns vnd vnser erben, Daz Wir vnserm lieben brüder Graue Cünrat vonHohem- berg vnd sinen erben haben ingesetzet disu) nach genempten Dörfer lut vnd gut. Egenhufen vnd Myndelstetten (sie!) zeniessen mit allen nutzen vnd zu ge Hörden an hus an Hof an Aeggern an misen an wald, an waid an veld an zwige an masen an ivasser, an vogtay an sturen an geriht an gemaltzsami gesucht vnd vngesucht clain vnd groß wie ist genant fundens oder vnfundens. Vnd aht vfunt haller geltez iärlichez geltes aht schilling minre vsser Svilberg dem Dorfe zu ieder sture vier fchilling niinr denne vier 'pfunt haller. Vnd sol Er vnd sin erben Tisz allez messen vnd haben als sit vnd gewonlich ist ainem Herren sin gut zeniessenn vnbedinget in alle wise als mir sü och von vnserm lieben vater dem vorgenanten Graue Burkarten von Hohemberg haben vor inge- nomen Als och vnser briefe sagent die wir dar vmb haben Vnd haben daz getan vmb vier hundert vfund guter vnd alter haller vnd zmanig vfund guter alter haller der wir von im gar vnd ganzlich gemeret sien vnd in vnsern nutz komen vnd be wendet sint. Da ist och mit namen gedinget welez iars wir ald vnser erben du' vorgenanten dorfer vnd gut lösen wölten ewiclich, Daz wir denne vollen gemalt sulen hän zelösenn du' vorgenanten dörfer gelt vnd gut mit allen zu geHörden vmb

— 452 —

vier hundert pfund vnd zwainzig pfund guter haller vierzehen tag vor sant Wal- purg tag oder vierzehen tag dar nach in den vier wochen än alle gevarde, vnd in allem rehte als si vns och vor von vnserm lieben vater sint ingesetzet vnd och vnser briefe sagent die wir dar vmb haben minr noch me än gevarde, Vnd dar vmb so habeil Wir vnser ietmeders sin aigen Jnsigel an disen brief gehenket zu ainer stäten sicherhait diser vorgeschribenn dinge. Wir Graue Burkart von Hohemberg der alt Herr zu Wilverg Vnd wir Gotfrit von Hohenloch Herr zu Brunecg veriehen an disem briefe Daz disu' Pfän dung vnd Versetzung ist geschehen mit vnserm guten willen vnd Rät vnd dar vmb so hän Wir vnser ieglicher sin «igen Jnsigel an disen brief gehenket. Geben do man zalt von Gotez geburt druzehen hundert iar fünfzig Jar, dar nach in dem dritten Jahr, vierzehen tag vor scm Georgen tag.

B. d. Orig. im Archiv zu Hcchiugcn. — Die Siegel Burkarts von Hohemberg des Alten, Herrn zu Wilperg, und Gotfrieds von Hohcnloh Höngen an.