Wir Graue Burkard von Hohenberg vnd mir frö anne von Bruneck dez Egenanten Graue Burkards elichü HusfrSwe veriehen beidü ainmü- teclich vnd mit gutem rät vnd mit kuntschaft diß brieves für vns vnd vnser erben allen den die in an senhent lesend oder hörend lesen, daz wir verköft haben vnd ze kostend haben gegeben ains rehten redlichen köffes alz ez billich kraft vnd maht sol vnd mag han dem vesten Ritter Herrn künin dem Stadelherren von Waldeck vnd sinen erben waz wir haben ze Waldcck an dem berg vnd in dem tal in den ziln als hie nach benempt ist, von erst von der Tainach vor dem Bütrocken uff uff (sie!) den wagrain ob dem tann den wagrain vshin vnder der Hailigen acker vshin bis vff dü Gerungs haldun vnd aber den wagrain uhshin bis vff den wannen stotz obwendick Sitzen huß die Halden ab bis vff den Ziegeldach bü sitzen huß den ziegelbach ab bis in die nagelt die nagelt ab bis wider in die Tainach gelegen in Esslingen zenhenden vnd waz mir haben in dem Tal in Giltlinger zenhenden vnd die vischen- tzen an der uagelt dü da flösset vndenn an milverger vischentzen vnd obmendig Renhartz vischentzen von Waldeck vnd mit namen vnser tail der misen die man nemet dez Graue brügel gelegen vndenn an dem ziegelbach waz mir haben in diesem vorgenanten zirtzel ez s« an vogtain an geriht an zwing an ban an holtz an velt an zinse an gelten an misen an ackern an huser an höfsteten an tagdiensten mit allen rehten vnd zügehörden wie sie genemen sind gesucht vnd vn- gesücht. disü vorgenannte gelt vnd gut vnd mitraiti haben wir gegeben vmb vir- tzig pfund guter vnd genemer alter haller münß die in vnsern nutz kumen sint vnd von im gentzlich gewert vnd bezalt sint. War öch daz die vorgenanten Güter vou ieman ansvreching würden, so geloben wir der egenant Graue Burrkard von Hohenberg vff vnsern ait daz wir ez füllen vertigan gen aller menglichen im vnd sinen erben nach dez landez reht an allen stetten vngeuarlich, wenn wirf von in ermant werden, vnd dez ze vrkund vnd ze guter sicherhait all dirr vorgeschribener ding vnd red daz dirr vorgenant köff stät vnd waur belib an all irrung, so geben wir der vorgenannt Graue Burkart von Hohenberg vnd mit vns frö anne von Bruneck vnser elichü husfröv disen brief mit vnser beider aigenn jnsigeln die dar an gehenckt sint. Wir haben öch gebetten dif erbern lüt her hugen von Berneg Ritter und Hugen von Berneg den edeln kneht daz ir ieglich sin aigen jnsigel zu den vnsern an disen brieue hant gehenckt zu ainer gezugnüst diser vorgeschribener ding an all gevärd. Ich der vorgenannt Hug von Berneg «in edel kneht vergih

- 525 —

daz ich bi disem vorgenanten köff gewesen bin vnd mir kund vnd wissend ist vnd in getadinge hän, darvmb so han ich min jnsigel an disen brief gehenkt, der geben wart do man zalt von Cristus geburt drüzenhenhundert jär vnd man woz in dem vier vnd sehtzigosten Jar an Sunt Gregorien tag dez Hailigen Bäpstes.

B. d. Orig. im St.°Archiv zu Stuttgart. — Mit 3 gut erhaltenen Siegeln. DaS Siegel der Anna von Brauncck zeigt eine weibliche Gestalt, welche in der Rechten einen Schild mit 2 Leoparden und in der Linken einen mit der Hohenbergcr Querthcilung hat. Ilmschrist: 3. ^nns oomitisss cle LoKevberg.