Wir Graue Burkhart vnd Graue Cvnrat gebrüder von Hohenberg, Herren zu Wilperg, veriehen offenlich an disem brief für vns vnd vnser erben, Tas mir mit mol beratem mut vnd init gutem rät vnsrer diener lieplich vnd gütlich vberain komen sin vmb disü nachgeschribenn gut, die wir von ainander gewilet haben. Des ersten Bulach die stat, Altenbülach das dorf mit Waldecke vnd des frien gut mit allen rehten vnd zügehörden, Hüstelten Das dorf mit allen rehten vnd zügehörden, äne allain den walt den man nemmet den Büray, der sol gemain sin; Schönbrunn vnd affringen du dör- fer, mit den Mayern zu äffringen vnd des Güten mildenhof mit allen züge hörden, Ebhusen vnd Welhnsen mit allen den rehten vnd gewonhaiten als sä vnser vatter an vns het braht, Emingen, Beidü Sulcz die dörfer, ane die Kilchun vnd den Kilchunsacz vnd den Widem Hof da die selbe Kilch in höret zu Sulcz, die sol vnser beider gemain sin; Giltelingen das dorf mit den rehten die mir da habin. Des veriehen wir der vorgenant Graue Cvnrat, das disü ftat vnd disü dörfer, lüt vnd gut, vnserm lieben brüder dem vorgenanten Graue Burkhart sint zetail geuallen, mit allen den rehten vnd zügehörden als sü vnser vatter an vns braht het. So veriehen wir der vorgenant Graue Burkhart von Hohenberg, Das disü nachgeschribenn stat, Burg, dörfer, lüt vnd gut vn serm lieben brüder graue Cvnrat dem vorgenanten sint zetail geuallen, mit allan rehten, gewonhaiten vnd zügehörden als sü vnser vatter an vns hat braht. Des ersten Altenstaig, bürg vnd stat, vnd das dorf Alten st «ig mit den rehten vnd zügehörden die mir dar zu habin, Egenhusen, beidü Spilberg, Grünbach, Bürren, Sygmarsuelt, Schiltecke dü bürg, mit allen rehten vnd zügehörden, mit den melden die beidü zu der bürg Schiltecke vnd der stat altenstaig vnd zu den vorgenanten dörfern hörent, ane die krieg weld die noch «nuerlühen sint, die sint vnser beider gemain; Ratuelden, Mündlersvach, das Stöckach da zwuschent, Pfrundorf, vnderütingen, dü dörfer allü mit lüten vnd mit gü- ten, mit allen rehten vnd zügehörden. Da ist uch mit namen gedinget, was aige ner lüt vnder vnser ietwederm gesessen ist, das die selben aigenn lüt och des selben «igen süllen sin vnder dem sü gesessen sint. Were aber das ir ettelicher hie nach

— 464 —

von vnser demederm für, der sölt dennoch des sin, vnder dem er iecz begriffen ist, wele aber vsserhalb vnser beider gebiet gesessen sint, die sollen da hin hören da sü vorhin horten: die von Ebhusen gen Bulach, die von Schiltecke gen Alten staig. Da sol «ch vnser demeder fürbas me in des andern stette, bürgen, vnd dörfern, lüt oder gut, nücz zeschaffenn han noch ze tünde, weder vil noch lüczel vngeuarlich. Were «ch, das got lang wende, das vnser ainer von den vorgenan ten guten würdi verseczen oder verkoffen, es si an stetten, dorfern oder bürgen, das selbe sol er dem andern vor vail bietten vnd kunt tun, die stette vnd die bürg zmen manet vor, du dörfer ainen nianet vor; vnd wenne das also beschiht, das der selbe dem es also vail gebotten ist in den vorgenanten zilen nüt koffen, oder pfänden wil oder enmag so sol er disen andern nücz me fürbas irren noch sumcn, weder zeuerseczend noch zeuerkoffenn, vngeuarlich. Wenne aber das beschiht, das vnser ainer nach disem geding verseczen oder verkoffen wurdi, das sol er «ch also tun, nüt mit kainem vnserm vbergenossen, noch mit kainem der vns nüt gemain si, äne geuerd. Wir die vorgenanten Graue Burkhart vnd graue Cvnrat von Hohenberg, gebruder, veriehen «ch an disem brief, das wir gesworn haben zu den Hailigen gelert ayde mit vf gebottenn vingern, dise vorgeschriben tailung vnd alles das hie vorgeschriben stät war vnd stat ze haltend vngeuarlich. vnd des zu ainein marun gezügnist vnd sicherhait, so haben wir beide vnserü aigenn Jnsigel an disen brief gehenket. Vnd zu merer gezügnist vnd sicherhait haben wir «ch er- betten vnsre lieben fründ vnd diener, vnsere lieben vetter Graue Rudolf den Schärer vfalczgraue von Tümingen, vnsern lieben Sweher Hern Petern Herren zu Hewen, vnsern vetter Graue Otten von Hohenberg, vnsern lie ben Swesterman Graue friderich von Zolr, Tnetrich den Pfüczer vnd Marquart den Kech eller, das ir ieglichcr sin aigen Jnsigel an disen brief het gehenket zu ainer warnn bestätegung als vor geschriben stät. Geben do man zalt von Gottes gebürte Drüzehenhundert jar fünfzig jar dar nach in dem fünften jar, an dem nehsten Gütemtag vor vnser fr«mun tag der jungerun als sü geborn ward.

Orig. im St.-Archiv zu Stuttgart. Abgedruckt in ölonument» ^uller»n» I. Schwä bische Linie. Nr«. cOOXXVIII. S. 191. 192.