Wir graue .. Rudolf von Hohenberg bekennen offenbar mit disem briefe, vor vns vnd vnser Erben Als der Edel vnser lieber vetter graue Burkhart von Hohenberg vor sich vnd sine erben sinen halben deil an wiltperg bürg vnd Stad vnd auch .. Bolach die stad mit dorfferin luten guttern mit allen nutzen wirden Eren friheiten Rehten, gewonhaiten Mannen Man- scheften, Burgmannen, Burgmanscheften, vnd sinen deil an dem dorffe Gi Il lingen vnd mit aller ander zugehorungen dem hochgebornen surften vnd Herrn hem Rupr echten dem Eltern vfalzgranen by Ryne des heiligen Romschen Richs obristen Truchsezzen vnd Hertzogin in Beyern vnd sinen Erben Erbetlichen vnd

emeclichen verkauft vnd zu kaufen gegeben hat, als sine brief besagint von

yme dor vber hat, Daz wir zu demselben kauffe vnsern willen gunst vnd ver-

hengnizze gegeben vnd geben mit craft ditz briefes vnd bestetigen vnd befestigen

auch denselben kauff Erbetlichen ... Emeclichen vor vns vnd alle vnser Erben. Auch bekennen wir vor vns vnd vnser Erben daz wir .... denselben kauff nymmer getun sollen noch schaffen getan werden in dheine wise, vnd globen ouch allez daz do fürgeschriben stet vor vns vnd vnser Erben mit guten truwen an eydes stat eweclichen veste vnd stete zu Halden sunder alle argelist vnd geuerde. Dez zu vrkunde geben mir vor vns vnd vnser Erben dem fürgenannten fürsten hertzogen Ruprecht dem Eltern vnd sinen Erben disen brieff versiegelt mit vnserm anhangen den Jngesigel, wir haben auch gebeten vnd bilden den fürgenanten vnsern vet tern grauen Burghart von Hohenberg vnd den festen Ritter kunh stade ler von maldecke vnd Hugen von Bern Ecke Edilkneht gezugnuzze alle

fürgeschriben stucke, punte vnd artikeln vnd vns derselben eweclich zu besagen

siegele by daz vnser an disen bricff gehangen habent. Vnd wir die fürgenannten graue burkhardt von Hohenberg kuny stadeler von waldeke Ritter, Hüg von Bern

Ecke Edilkneht bekennen daz mir (sie!) ding bebe grauen Rudolffs von

Hohenberg zu gezugnüzze aller obgenannten stucke artikele vnd yn derselben ... zu besagen vnser Jngesiegele by daz syne an disen brieff gehangen haben, der gebin ist zu Heidelberg des nehsten Samvzdages nach vnser lieben frauwen dage als sie geborn wart nach cristi geburthe als man zalte drutzehen hundert Jare damach in dem siebin vnd Sechtzigisten Jare.

B. d. Orig. im St.-Archiv zu Stuttgart. — Mit 3 gut erhaltenen Siegeln; das des Burkard fehlt. — Das Waldcck'sche Siegel hat im Schilde zwei sich kreuzende Heu» rcchcn.