Wir gras Hug von Hohemberg vnd wirVrsul von Pfirt sin elichi husfrom tünt kunt mit disem brief allen den die jn ansehent oder hörent lesen vnd veriehe offenlich vmb die drissig Pfunde haller geltz die Conrat von Tier berg Arnoltz svn von Tierberg in rechtz Pfands mise von vns jnne hat ze Schönberg in der stat von vnsren stüran vmb dritthalbhundert pfunde haller als er vnsre brief vnd der burger von Schönberg brief inne hat, daz mir jm darüber vmb die getrümen dienst, die er vns getan hat vnd allezyt tut willeclich gegunnen vnd erloupt haben, daz er zu dem selben pfände sinen sweher Johan sen den denkinger der stette ze Vilingen fchriber ze ainer rehtm gemaiw der mit vnser beider gunst vnd guten willen genomen vnd empfangen hat vnd veriehen ouch für vns vnd für alle vnser erben, daz wir vnd vnser burger von Schönberg gemainlich jnen beiden gemainlich vnd iren erben vmb dasselb gelt vnd pfant Haft vnd gebunden sin süllent ierglich ze geben ze sant Martins tag in aller der mise vnd in allem dem reht vnd geding als an den briefen verschriben ist die der obgenant Conrat von Tierberg von vns vnd ouch von vnsem burgern ze Schönberg jnne hat vnd ouch bv derselben gelüpde, als wir vnd vnser burger von Schönberg dem vorgenanten Conrat von Tierberg vnd sinen erben getan habend, also füllen mir vnd vnser erben vnd vnser burger von Schönberg jnen beiden vnd irm erben Haft vnd gebunden sin iemer vntz an die stund, daz dasselb gelt von jnen oder iren erben erlöst wirt mit dritthalbhundert pfunden guter haller zu den zvten in dem jare als wir es lösen süllent ane aller slaht geuerde. Vnd herumb ze offenberm vrkund so haben wir für vns vnd für vnser erben vnsrü jngesigel offenlich gehenkt an disen brief, der ze Rotmil geben ist an sant Georien aubend do man zalt von Cristus geburt Drützehenhundert jare, darnach in dem nvnden viertzigosten Järe.

Nach einem Viäimu« von 1408. St.-Archiv zu Stuttgart.

— 415 -