Wir Leupolt von Gotes gnaden Herzog ze Oesterrich ze Steyr ze kernden vnd ze krain, Grafs ze Tyrol vnd Margraf ze Terms u. f. w. Veriehen vnd Tun kunt öffentlich mit disem brieff Allen den die In ansehend oder hörend lesen da; mir mit dem Edeln vnserm lieben Oheim Graff Rudolfen von Hohemberg vmb all sin Grafschaft Herschaft, Besten Stet Land vnd lüt als das in dem kaufbrieff aigenlich begriffen ist eins kaufs vbereinkomen syen in solcher mazz vnd mit solichen Bunden vnd artikeln, alz hienach geschriben stat des ersten sven wir Im vmb den obgenanten kouf Sechs vnd Sechtzig tusent guldin schuldig desselben gelts sullen wir oder vnser erben den vorgenanten vnße oheim Graf Rudolfen von Hohemberg richten vnd meren zehen tusend guldin vff den Obristen tag den nehsten der nun kumvt vnd zmaintzig tusent guldin vff den nehsten künftigen Suntag in der vasten so man singet inuocauit vnd an dieselben drissig tusend guldin sol geuallen vnd werden waz das Land vnd die lut die wir von dem egenanten vnserm Ohem von Hohemberg gekauft haben ze hilf daran in dem Zil gebent. War aber ob der obengenant Summ gelts icht gebräste vff Jeglichs zil sin war vil oder lützel das sullen mir oder vnser erben richten vnd weren uff Sant Jörgen tag der schierost kumvt mit samvt dm vorigen Summen die wir ouch geben werden uff den selben tag vnd ob Im der egenant Summen entweder gebräste uff denselben tag es mär vil oder wenig wa dar vmb der obgencmt Graf Rudolf an schaden stat an denselben Stetten sullen wir oder vnser erben In darnach uff den nehsten Sunt Martins tag entrichten vnd ledig machen vmb so uil gelts vmb Houvtgut vnd vmb schaden. Täten wir Dez niht So sol der obgenant Graff Rudolf des koufs ledig vnd los sin vnd sullen wir vnd die die das Land von vnßen wegen Jnnhabent, das selb Land wider in antwurten vnd ledig vnd los lazzen slehtklich vnd ouch

- 66t —

Sn all geuärd vnd sol darzu dem obgenant Graf Rudolfen zu rechter pen veruallen sin die fünf tausend guldin, darvmb vns Haigerloch stund vnd füllend in ledig machen der schuld des kindes. Graff Hansen von Helfenstain vnd siner geswister- giten vnd füllen In ouch ledigen von der schuld wegen gen Segklin dem Juden vnd im die brieff heruzz geben oder aber in versorgen daz er fürbasser von der schuld gelt ledig sye. Wir sullent im ouch den brief wider geben den wir von Graff Rudolfen haben als er vnd sin Diener vnd die synen rechte halten sollen vor vns oder vnßerm Lantnogt. Das alles sol dem egenant vnserm Oheim von Hohemberg veruallen sin ob wir in nit rihten zu den ziten vnd zilern als vorge- schriben stät vnd sol im ouch daz gelt beliben vnd veruallen sin daz daz Land git vngeuarlich. Wär ouch ob daz selb verziken vnd der val vielen nach dem alz da vorgeschriben stat vnd denne der obgenant vnser Oheim von todez wegen abgegan gen wär. So sol denn der ual vnd daz vertziken vallen vnd werden an die Edeln vnd wolgeborn Grefinne Margreten von Hohemberg Margräfin ze Baden sin tochter oder an ir erben vnd sol man der oder irn erbe daz egenant Land in antwurten in aller wise alz dem obgenant vnserm Oheime Graf Rudolfen. Ez ist ouch gerett daz> vns der egenant vnser Ohem Graff Rudolph von Hohemberg in antwurten sol all Stett Purg vesten Land vnd lüt die yetzuud ledig sind vnd als er die yetzund Jnne haut vngeuarlich daz die vns vnd Miseren erben sweren sullent gehorsam vnd wartend ze sind für ir reht Herren vnd waz ouch versetzt ist es syen Besten Land oder lüt daz sol man lösen mit der obgenanten Summ gelts vnd ouch mit nutzen die die nehsten Sechs Jar geuallent vnd sol man ouch da mit gelten dez egenant vnsers oheims schuld wa es allern otturftigst ist vnd waz also ledig wirdet die füllen vns vnd vnßern Erben ouch sweren in der wise alz vorgeschriben stät. Ez ist ouch beredt daz vnser oheim von Hohemberg vns ge- trumlich vnd vngeuarlich geraten vnd geholfen sin sol vnd doch an getzwungnuzz daz vns das obgenante Land vnd Stet beholfen sye mit gelt vnd stürm daran zu ge geben. Ouch füllen mir sie nit zwingen daz si vns daran ze stür geben denn waz sie mit Willen gern gebent vnd wie wir darvmb mit demselben Land vnd Stetten vmb friheit für vns vnd vnser erben über «in komen daz si fürbaz ewenklich schatzung ledig syen daz sol jn Graff Rudolf auch besteten für sich vnd sin erben vnd sin nachkamen vnd jn brieff darvmb geben. Ouch ist beredt daz wir oder vnser erben dieselben vesten Land vnd Lüt innhaben ze besetzen vnd entsetzen füllen die nehst künftigen Sechs gantze Jar nach einander vnd füllen wir zwen hovvtman darzu geben «inen welchen wir wellen vnd den andern uff der Herrschaft ze Hohem berg nach dez obgenanten Graf Rudolfs Rat vnd willen doch daz derselb unser Diener haizz vnd syn vnd daz dieselben zwen süllent sweren aid zu den Hailigen vnd des ir versigelt brief geben vns vnd vnßern erben ze halten vnd ze tun allez daz jme hievor vnd hienach geschriben stät vnd dem obgenant graf Rudolfen ouch allez daz ze halten vnd ze volfüren vnd ouch sinen erben daz jn an disem brief vorgeschriben ist vnd füllend jm ouch desselben jr brief geben. Denselben

— 662 —

zmain Houptlüten werden ouch all die vorgenannten Land lüt vnd amvtlüt die nu oder hin nach gesetzt werdent swerend gehorsam ze sin es sye in die vesten oder Stetten die yetzund leoig sind oder hernach erledigst werdent. War ouch ob der selben zwayen amvtlüt ainer oder si baid stürbend, als dick daz ze vellein Km oder ob mir si sust verkeren wollen.

Ist de» der abgegangen oder verkert den mir darzu geben haben vßmendig der Herrschaft von Hohemberg, So füllen wir «inen andern darzu geben welchen wir wellent ußwendig der Herrschaft von Hohemberg. Ist er aber vsser der Herr schaft von Hohemberg gegeben So sullen wir aber nemen vsser derselben Herrschaft von Hohemberg mit dez egenanten Graf Rudolphs willen vnd rat vnd der oder die die denn werdent nach den die denn abgegangen oder verkert sind süllent sich aller vor vnd nachgeschribner Stuck verbinden vnd sweren mit ayden vnd mit brieten als die vorder« getan habent. Ez ist ouch beredt daz wir dem vorgenannten vnsreiu Ohein von Hohemberg je antwürten füllen bed stet vnd vurg ze Haigerloch mit jrn zugehörungen zu einem rehten libgedinge vnd dieselben nutz soll er all haben die nehsten Sechs gantze Jar nach einander vnd füllen mir oder vnser erben darzu eruollen daz er Hab Järlich Sibenhundert matter Habern Haigerlocher mczzeS vnd mes vnd wie uil jm an dem Habergelt Jerklich gebrist ze Haigerloch daz sullen wir jm von andern nutzen vßer der Herschaft ze Hohemberg eruollen Und darzu füllen wir jm die nehsten Sechs Jar Jarlich geben vff Sant Martins tag tusent guldin vnd ze Herbst viertzig fuder wins dez besten war er si aller gerncst nemen wil usser den wingerten die zu der Herschaft ze Hohemberg gehörend. Wir süllcno im ovch die selben Sechs Jar lazzen volgen all Hünrgelt all Sem vnd vischentzen die zu der Herschaft ze Hohemberg gehörend, daz er darinnen vische vnd messe nach siner nothdurft avn all geuärd alz ez mit gewonhait vnd von alter Herkamen ist. War auch ob der vorgenant Graf Rudolf jnmendig den nehsten sehs Jaren ab gungi von todes wegen än Elich Sün, So sol vns vnd vnsern erben die ob ge nanten Grafschäften vesten Land vnd lüt als davor geschriben stavt vnd Havgerloch die tusent guldin die Sibenhundert matter Habern vnd die viertzig Fuder Wins ledig vnd los veruallen sin vnd dhainen sinen erben noch «emand anders davon niht gebunden sin ze tun än geuärd. Denn so verre daz wir der vorgenanten Grefinen Märgreten siner tochter richten vnd weren füllen zwaintzig tusend guldin oder sie der bemisen vff vhand usser der Herschaft ze Hohemberg damit si souil geltes versichert vnd bezahlt sye vngeuarlich also ob die selb sin tochter än liber- ben vor dem egenanten graff Rudolfen abgiengi daz denn derselb vfantschatz her wider vmb an Graf Rudolfen geualle. War aber ob vnser Oeheim von Hohen berg nach sinem tode me elich tochtern liezz die füllen wir gar triwlich beravten vnd füllen ir jeklicher Siben tuseud guldin geben. War aber ob der edel vnd wolgeboren vnser lieber öheim der marggraff von Baden den obgenanten Graf Rudolfen mante vmb sin zugett vnd das egenant sin wip ze Hvs füren wölt so füllen wir oder vnser erben jn weren vnd bezaln Siben tusent Guldin vff die zil

- 663 —

vnd tag als jn der obgenant Graf Rudolf verschriben vnd versichert havt. Wir füllen jn such dircr vorgenant Siben tusent guldin niht gebunden sin ze geben, ob iech der vorgenant Marggraff mante denn von den liebsten Wichennähten über ain gantzes jar. War aber daz ez sich verzikte vnd die vorgenant Herschaft wider an Graf Rudolfen oder sin erben viele So sven wir vnd vnser erben der Siben tusent guldin ledig. War aber ob wir si gebend würden So süllent si vns vnd vnseren erben denn vnd mich Graf Rudolf an den zwaintzig tusent guldin die da vorgeschriben sind abgän Eft ist ouch beredt daz wir die Edeln vnd wolge- boren Gresinen Jten von Togkenburg dezselben Graf Rudolfs elichen husfrowen bemisen vnd versorgen süllen wit den pfänden die sy yetzund jnn havt, oder mit anderen pfänden die zu der Herschaft von Hohenberg gehörent daz sie zehen tusent guldin bezalt vnd gewert werde daz si in Pfandes wise daran habend sue wenn der vorgenant Graft Rudolf mit dem tod abgät Giengi aber si vor jnie mit dem tod abe so süllent die zehen tusent guldin wider an Graf Rudolfen geuallen än geuarde. Ouch ist beredt war ob der val nicht beschäch So süllen wir die vorge nante Gräfinen Margreten Marggräfinen ze Baden vnd Grefinn Jten von togken- burg dez vorgenanten gelts versichern vsf pfand als vorgeschriben stät vnd süllen daz tun darnach vsf den nehsten Suntag jn der vasten so man singt Jnuocanit. Wenn ouch die nehsten Sechs jar von disein künftigen Sant Martinstag volgand Ist denn daz Graft Rudolf deunoht lebt vnd in libe ist So snllen wir oder unser erben vnd ouch die zmen Houptman gentzlich vnd vngeuarlich wider jn antwurten alle dis obgeschriben Grafschaft Herschaft Pürg Stet Land vnd lüt die jetz ledig sind oder noch ledig werdent zu ainein rehten libgeding vnd sol er denn die haben ^ vnd messen getreuwklich vnd vngeuarlich sin lebtag än allermenglichez jrrnng doch also daz der vorgenant Graf Rudolf vns oder vnser erben mit denselben Landen vnd geslozzen wartend vnd gehorsam sin sol vns die offen gehabend wider aller- menglich niemand vssgenommen doch nne sinen merklichen schaden Vnd wenn er von todes wegen abgät So sol die obgenant Grafschaft Herrschaft Geslos Land vnd Lüt als si oben verschrieben sind genblich werden vnd geuallen an vns vnd vnser erben Vnd süllent ouch der Stuk die obgenant amptlüt vnd ouch Stet all sweren gehorsam ze sin als dik ez ze schulden knmt än geuard. Wäre ouch ob Graft Rudolf elich Sun liezz nach finem tode jr mär ainer oder me die selben Sün vnd ouch daz obgenant Land vnd Lüt süllen wir oder vnser erben innhaben vnd ir getrüwer pfleger sin vntz uff die zit daz sie vierzehen jar alt werdent vnd wenn sie es darnach an vns oder an nnser erben vordernt So süllen wir jn daz obgenant Land vnd lüt gentzlich wider geben vsgenomen Rovtenburg Burg vnd Stat mit aller jr zugehörung das sol vnser vnd vnser erben phand sin vmb so uil gelts als wir denn an den kouf vnsers guts geben haben vntz daz ez die ob genant kind von vns vmb so uil gelts erlösent. Es havt ouch Graf Rudolf vollen gemalt bi finem lebenden libe, Ist daz jn Got Sun beravtet daz er denn zmen biderman den er getruwet dar geben mag die jn die nutz nach finem tod innemen

— 664 -

vntz vff die zit bis daz sie viertzehen jar alt werdent vnd die anlegent vnd fürkerent nach jrm aller Pesten vnd vns oder wen wir dar zu schaffen die nutz von der Kind wegen widerechnen Giengen aber die Sun von todes wegen ab e. e. daz si vierzehen Jar alt würden So sol aber daz Land vnd Lüt vns vnd vnseren erben werden vnd geuallen. Es ist such beredt was von der Her schaft von hohemberg versetzt ist oder was man sus schuldig ist vnd daz nicht erlöset noch vergolten mirt mit der obgenanten Sum gelts vnd ouch mit den nutzen die die nehsten Sechs Jar geuallent daz mügen Wid (sie!) oder vnser erben lösen menne ez füglich ist vnd sol vns darzu der egenant Grafs Rudolfs beraten vnd beholfen sin Vnd was mir Bi Graff Rudolfs lebtag lösen die Güter vnd nutz sol Grafs Rudolfs niezzen vnd han sin lebtag ze Glicher wise als vmb daz ander da vorgeschriben stät. Ouch ist beredt daz man daz gelt das Graff Rudolfs da vor- geschriben stat vnd man Jme die nehsten Sechs Jar gebend mürt vorvss gän sol von den nutzen der Herschaft ze Hohemberg Vnd darnach all Hauptmanschaft und Burghut die man da gebend wirt vnd was der übrigen nutz ist die Sechs Jar die süllent die zmen jnnemen vnd sullend die geben an die Losung vnd geltschuld der Herschaft ze Hohemberg wa si uff ir Ayde vnd ir aller notdurftigest dunkt vnd süllent ouch die vns vnd dem vorgenant Graff Rudolsfen veraiten oder den die wir dazu schaffend. Ouch ist beredt daz der egenant Graff Rudolf von Hohem berg sin lebtag alle Lehen lihen sol si syen Gaistlich oder Weltlich der manschaft unschädlich Es ist ovch beredt daz wir dem obgenant vnferm ohein von Hohemberg sin Diner vnd die sinen schürmen vnd halten füllen getrümlich zu dem Rechten vngeuarlich. Was schulden ouch der vorgenant Graff Rudolf füro me hinnahm machet das sol vns vnd vnsern erben noch der Herschaft von Hohemberg noch alles das so wir nu von jm gekovft haben nicht angan noch damit ze schaffend haben. Ist man dem egenant Graff Rudolfen von Hohemberg schuldig darzu süllen wir beholfen sin nach siner brieff sag vnd zu dem Rechten vngeuarlich. der vorgenant von Hohemberg sol ouch mit sinem Land vnd Lüten die imutuu?? mit den Stetten halten nach dein als er daz verhaizzen vnd gesworn havt vngeuarlich vnd süllent ouch die obgenant zwen Houptman sweren den vunt ze halten an Graff Rudolfs stat nach siner brieff sag vnd dez ze vrkund so hat Herr Cunrat von Stain von Richenstain vnd Benz der Bochinger jr jeglicher sin aigen jnsigel offenlich gehenkt an disen brieff der geben ist zu Pruck in Ergöw an Zinstag vor allerhailigentag Nach Krists geburt drüzehenhnndert Jar darnach jn dem «inen vnd cchtzigosten Jarc.

Orig. im Stadt-Archiv zu Haigerloch. Abdruck darnach in Memmingcrs roittemb. Jahrb. 1837. S. 103 ff. Graf Rudolf stellte dem Herzog cine cntsprcchcnde sonst bei nahe gleichlautende Urkunde von demselben Datum ans, welche, indcß ungenau, im hist. stat. Archiv für Süddcutschland I. S. 182 ff. abgedruckt ist.

Jn Gärt's (K. K. Oberamtö - Registratorcn zu Rotenburg) Grafschaft Hohenberg v. d. Jahr 1779 findet sich cine sehr fehlerhafte Abschrift.

— 665 —