Wir Wentzlaw von gotes gnaden Romischer kunig zu allen zelten merer des Reichs vnd ^unig zu BeHeim Bekennen vnd tun kunt offenlichen mit disem brieue allen den die yn sehen oder hören lesen, das für vns komen ist der hochgeborn leupolt, hertzog zu Osterreich zu Steyrn vnd zu kern- den, etc. vnser lieber Swager vnd surfte vnd bäte vns mit fleisse das wir dem Edlen Rudolf Grauen zu hoemberg seinm luten, dienern vnd dem lande zu hoemberg, alle die freyheid vnd gnade zutun geruhten die der egenant vnser Smager Hertzog Leupolt vnd sein lande leute vnd diener von vnsem voruarn an dem Reiche haben noch sage vnd laute sulcher brieue die er darüber hat, des haben wir durch sunderlich liebe vnd fruntschaft als wir an dem egenanten vnserm Smo ger erkennen vnd haben dorumb mit wolbedachtem mute vnd rechter wissen dem egenanten Graf Rudolfen seinen luten, dienern vnd landen, die nach tode des ege nanten Graf Rudolfs' an den egenanten vnsem Smager geuallen sollen alle die gnaden vnd freyheit gnedichlich getan vnd geben, tun vnd geben yn die in kraft ditz briefs Also das sie sulcher gnade vnd freyheid gebrauchen vnd gemessen mögen nu vnd fürbas in aller masse, als die hertzog Leuvold vnser Smager seine lande lute vnd diener haben vnd der gebrouchen, noch laute sulcher brief als sie darüber haben vnschedlich doch vns dem Reiche an vnfern dinsten vnd rechten. Mit vrkunt ditz briefs versigelt mit vnserv kuniglichen Maiestat Jnsigel Geben zu Heidelberg noch Enstes geburd dreitzenhundert Jar vnd darnach in dem viervndachtzigstem Jare an fand Marien Magdalen tage vnserr Reiche des Beheimschen in dem Czmei- vndtzweintzigistem vnd des Romischen in dem Newnden Jaren.

V. d. Orig. im Privatbesitz eines Bürgers zu Notenburg. — DaS Siegel ist ab gerissen.