Ich Hailwig von Ehingen Haintzen dez Ammans säligen elichü Husfrom vnd ich Hans der amman ir sun veriehen bedü vz gemainem mund mit vrkund diß briefs für vns vnser erben vnd all vnser nach kumen vnd tun kunt allen den die diesen brif lesen hörent oder in zemifsen wirt daz wir mit gesundem vertigem liv do mir riten vnd gan mohten mit guter vorbetrcchtung haben geben durch got durch vnserr vnd vnferr vorderr sel hails willen vnd besunder durch dez erbern Herren Pfaff Rudolfs, Cüntzen, Renhartes, Beutzen der amman, mines dez obgenanten Hansen Bruder sel hails willen Dem Prior vnd dem Conuent gemainlichen ze Rotenburg vnser frowen Brüder ordens, vnd allen irn nachkumen dri amen stätes vnd ewiges mingeltes die man allv iar sol rihten vff den Hervest vff vnsern aigcn mingartcn ze Hirsow gelegen der ain Haiset des Binders kleb vnd stozzet an der fiten gen Tümingen an der von Mälchingen kleb an der andern fiten gen Rotemburg an des Grauen berg, den ietz buwet der Binder von Hirsow, vnd git da von daz sechstail än scha den vnd der ander mingart Haiset Härmen Bühel vnd stozet ainhalb an mines dez obgenanten Hansen ammans aignen mingartcn vnd anderthalb an einen win- garten Haiset düRütlü den zu disen ziten buwet härmen sun, vnd gibet Sch da von daz sechstail Sn schaden vnd sol man anuahen die dri amen mingeltes ze

- 570 -

rihten von dem sechstail an dem kleb, vnd wa da gebrist, daz sol vss Hannen Bühel emollet werden, vnd wenn sie der drier amen von den zweien wingarten gewert merdent, waz denn vberig wirt, daz sol vns den obgenanten Hailmig von Ehingen, vnd Hansen dem Amman werden, die wil wir zwei oder vnser eins leben, wenne wir aber beidü niht ensin, so sol dem Prior vnd dem Conuent daz sechstail aigen lich überall volgen vnd werden vss den obgenanten zweien wingarten vnd da sol si kein vnser erb, noch nachkamen nit anhindern mit geriht oder än geriht in keiner Hand mis die dem vorgenanten Closter ze schaden möhten komen. Wer aber das etliches Jares missewehs kem, vnd das die obgenanten brüder der drier amen win- geltz nit gewert mohten werden von den obgenanten zweien wingarten, vnd was in denne eines Jares vsstünd, daz sol in allweg des andern Jares von den obge nanten wingarten erfüllet werden, vnd füllen mir die vorgenanten Hailmig vnd Hans der Amman nütz von den wingarten nemen, bis in eruollet wirt waz in vsstat an den drien amen wingelts iarlichen vnd wenne vberigs da wird, das sölten mir in nemen, all die wil wir lebten als vorgeschriben stät, aun alle gevard vnd haben bis Vorgeschriben wingarten vnd wingelt darvmb gemäht vnd eigenlichen geben den obgenanten Brüdern, daz si der obgenant Pfaff Rufen, Cuntzen, Renhartes vnd Bentzen der Amman vnd vnser zweier nach vnserm tod Jarzit ze fünf malen in dem Jar füllen began eweklichen zu den vier fronvasten an dem fritag ze naht, in der fronvasten mit einer vigili mit vier Brinnenden vfgesteckten kertzen vnd nach der vigili sol man iedem Brüder geben ein halb mäs wins vnd mornant an dem Samstag mit einer selmess vnd vier kertzen vnd desselben tages ob dem tisch sol man iedem Brüder geben ein halb mäs wins vnd in sölicher wis mit vigili, selmess, kertzen vnd min den brüdern geben, sol mau die iartzit began zu den vier fronvasten als vorgeschriben stät, vnd zu dem fünften mal zu iren aller Iartzit die da vorgeschriben ständ vff Sant Pauls tag als er bekert wart nach wihen- nahten sol man die selben Jarzit begän mit vigili, selmess brinnenden kertzen, vnd abent vnd morgens mit win den brüdern als vorgeschriben stat, vnd sullen die vorgenanten brüder die fünf Iartzit emeklich began mit kuntschaft vnd wissend aines Bropstes von Ehingen vnd eines kirchherren von Bühel oder ir eins vnder den zwain, wer aber das sie beid da bi nit wären vnd sich niht wollen lasen vinden oder ir einer, so sollen die egenanten brüder die Jarzit verkünden zwein burgern ze Rotenburg von dem Rät oder zwain andern erbern mannen vnd den selben sol geloben ein brovst vnd ein kirchherr, vnd da wider nit sprechen noch tun in kainer hant wis haimlich noch offenlich mit geriht oder än geriht, wär aber das, das die dikgenanten brüder der Jarzit nit begiengen als vorgeschriben stat als dik si einen versumten, als dik sullen si dem bropst von Ehingen geben zehen schilling haller, der sol er fünf geben sinem stift vnd fünf dem kirchherren ze bühel antwrteu än all wider red der Brüder vnd des Closters. Ez ensüllen Sch die egenanten brüder noch ir nachkamen, die vorgenanten wingarten vnd mingelt weder verkofm, versetzen noch verkümern in dem orden noch vz dem orden in keiner Hand wis,

— 57t —

wenn aber daz wer, dz si daz vorgenant gut verkosten, so sol das selb mingelt veruallen dem Stift ze Ehingen Halbs, vnd der kirchen ze Bühel Halbs, vnd daz sulln die vorgenanten brüder in vcrtigen nach dem rechten, än alle geverd vnd wider red. Vnd des alles ze ainer offner gezügnüst, vnd warem vrkund, so han ich der vorgenant Hans der amman min «igen Jnsigel gehenket an disen brief, vnder dein ich och dü vorgenant Hailmig von Ehingen verzieh aller der ding und artikel die hie vorgeschriben stand vnd haben öch gebetten, den Erwirdigen Herr Dietrichen von Howenstain Probst ze Ehingen, Renharten von Ehingen vnd Bentzen den jungen Amman, daz si irü aignü Jnsigel ge henket händ zu ainer gezügnüst an diesen brief, der geben wart ze Rotemburg do man zalt von Cristus geburt drvzehenhundert Jar Sechzig Jar dar nach In dem Runden Jar, an vnser fromm tag zu der Liehtmess.

V. d. Orig. im Besitz eines Bürgers zu Rotenburg. — Die Siegel fehlen.