Wi Warslaf, van godes ghenäden Sri hertoghe der Wende, Cassuben vnde Pome- renen, bekennen vnde betughen öpenbär in dessen breuen, dat wi hebben ghelöaet enlrüwen vnseme leuen öme, deme edelen vorsten van Rayen, herea Wizlawe, tu lätende vnde tü settende in vsen dorpen t8 Leuenhaghen, Germershaghen, Derse- cowe vnde tu Hinrickeshaghen also vele ingheldes vnde rente tu vindende in desme iäre vnde vp tS börende, de wile dat de vrüwe van Gutzekowe, droste Laurencius wif van Denemarken, leuet, wo vele se läten heft dor vsen willen in deme lande tu Strey, der suluen vrüwen, dar se recht tö hadde vnde heft. Dit ingheld scolen vse voghede in beydent siden besen, pruven, teilen vnde vntscheyden, vnde wi willen vnde scolen dat ingheld an dessen vörbenömeden dorpen leddeghen vnde unlweren van enen ieweliken, de dar vp mach spreken, vnde hebbe wi och dar also vele ingheldes nicht, dat scole wi em anders vör bewisen. Vp al desse stücke tS holdende stede vnde vast, scole wi, bi vsen vorsprökenen löuede, tflschen hir vnde vser vrüwen däghe der leslen de aller neghest cumt, tu tulöveren selten: heren Arende van Granbowe vnde heren Gherde van Bucholte, vnse riddere, sunder vorioch vnde twiuel. Vppe desse vörbenömeden dinch hebbe wi heten vnde läten gheuen vse brene iöghenwardich mit vseme ingheseghele stedeghet vnde vestef, vnde sunt ghegheuen vnde screuen t8 Kaboldesdorpe in den iären der bort vnses heren godes düsent dreihundert des tweuntwichteghesten iares, des vriedäghes allernegest na sunte Jacobes däghe des apostels, vnde weren tu lüghe där öuer: de eddele here her Johan van Wenden, her Sievert van Plone, de vnse löuede mit vnsme öme hebben vntvanghen, mester Corel, en kanonic van Camin, her Virkr vnde her Hinrik Molzan, riddere, vnde anders vele bedderuer lüde.

Aus dem Codex Rugianus, auf Pergament, im königl. preuss. Provinzial- Archive tod Pommern zu Stettin, gedruckt in Lisch Maltzan. Urk. I, S. 372, Nr. CLXX. Die Urkunde hat die Ueberschrift: De wedderleginge des landes tu Strye van hertoge Warceslaw wegene. Die Urkunde ist auch gedruckt in v. Schwarz Dipl. Gesch. der pommersch-rügischen Städte, S. 756.