VVy Vicke, Herman, Arnd vnde Heyneke knapen gheheten van Carlowe. Bekennen vnde betughen operabare in desser || ieghenwordeghen schritt, dat wi ghe- deghedinget hebbet mit deme acbaren versten, hertoghen Erike van Sassen demejj iunghern, vseme heren, vnde mit den beschedenen mannen, den raathmannen der stat tû Lubeke, vmme||dat hus tu Lassaan, dat beleghen is vppe deme Sealsee, dat se vs af ghewunnen hebbet, dat men dat sylue hus vnde vorborgh bernen seal vnde gantzliken vurstoren, also dat vppe der stede des huses vnde vorborghetes nicht gantzes enbliue, vnde ok also, dat wi, neen vser neghesten noch neman van vser weghene vppe de syluen stede hus eder veste mer buwen enseal. Mer de buwhof seal bliuen beuestet mit eneme tune, mit eneme dore vnde mit ener vel- brugghe, vnde dar bi moghe wi buwen in den Schalsee ene kemenaden, dat en praam heth, ane vorborgh, dar wi vor vsen ghenoten velich vppe slapen mog-hen, vsem heren van Sassen, sinen nakomelingen vnde der stat tu Lubeke tu neuem voruanghe. Dar mede seal ghesonet wesen alle veyde vnde al vmmot, de twischen deme vorbescreuenen vseme heren van Sassen vnde der stat tû Lubeke af ene syt, vnde vs vnde vsen vrunden af ander van des vorbenemeden huses weghene, se syn vm dotslaghe eder vm welkerhande stucken se (syn,) vp ghestan sin in vorgan- den tyden. Dat hebbe wi en ghelouet mit hand vnde mit munde, vnde loued et en in desser ieghenwordeghen scrift bi vsen truwen, alse wi tu ener opembaren betughinge alle desse vorbescreuenen stucke stede unde vast tu holdende sunder ienegherhande arghe list, vse ingheseghele mit Johan Lubbetines vnde Claus Vnrowen knapen, vser vrunde, ingheseghelen, de mit vs mit ener samenden hant entruwen ghelouet hebbet vor alle desse vorbescreuenen stucke stede vnde vast tu holdende, ghehenget hebben tu dessem breue. Ghedeghedinget vnde ghegheuen tu

Lubeke, na Godes bort dritteynhundert iar in deine ses vnde vierteghesten iare, in synte Bartholomeus auende.

Nach dem Originale, auf der Tresc, mit sechs anhangenden Siegeln.

.