CCXXXII.

In nomine sancte et indiuidue trinitatis amen. Frater Henricus, diuina miseracione episcopus Osilie et maritime. || Omnibus presentes litteras inspecturis salutem in domino ihesu christo. Quoniam per labores, expensas et sanguinem mercatorum || nouella ecclesia in partibus Lyuonie et Estonie ad agnicionem sui creatoris, superna auxiliante clemencia, primitus est perducta, || dignum est, vt cuncti mercatores in premissis partibus inperpetuum consequantur graciam et fauo- rem. Nos igitur, qui veritatem et pacem diligimus, antiquam libertatem, quam nauigantes in terminis nostre dyocesis hactenus habuerunt, commendamus, confir- mamus, et illibatam volumus conseruari, statuentes et sub obtestacione diuini

216 1256.

examinis prohibentes, vt, si quos mercatorum in terminis nostre iuriditionis contin- gat pati fortasse naufragium, nullus eos in rebus suis aut personis rapina vel furto audeat molestare; nimie enim crudelitatis existeret, si affliccio afflictis taliter adde- retur. Uolumus insuper, vt, quecumque res naufragorum fluctuantes in mari ad littora in predictis terminis nostris appulsa fuerint, hominibus forte casu sinistro submersis, per annum et diem indistracte seruentur a nostris, vt, si forte infra tempus memoratum verus heres comparuerit, restituere valeant cum iuste fuerint requisiti. Laboribus tamen ipsorum, vt inposterum magis sint voluntarii, congrue volumus responderi. Preterea concedimus, vt, si in naui mercatorum forte ali- quid fuerit reparandum, in littore sibi vicino succidendi ligna eis competencia liberam ubique in terminis nostris habeant facultatem. Prohibemus insuper, ne mercatores quoscumque siue per terras siue per aquas per nostros terminos cum suis mercan- disiis transeuntes exaccionibus seu theoloneis aliquis audeat molestare. Qvicumque autem huius pie constitutionis nostre temerarius violator exstiterit, omnipotentis dei et sancte eius genitricis omniumque sanctorum indignationem, maledictionem et excommunicationem eternam se nouerit incursurum. Datum in Lvbeke, anno do- minice incarnacionis millesimo ducentesimo quinquagesimo sexto.

Sach dem Originale, mit anhdngendem Siegel, auf dcr Tresc.