Codex Diplomaticus Lubecensis - Lübeckisches Urkundenbuch, Nr. CXXVI. , S. 160
CXXVI.
Innocentius episcopus, seruus seruorum dei. Dilectis filiis . ., abbati et priori monasterii in Reyneuelde, Cysterciensis ordinis, Lubicensis dioceseos, Salutem et apostolicam benedictionem. Circa dilectos filios, consilium et commune Lubecense, nobis et ecclesie Romane deuotos, interne super eo gerimus compassionis affectum, quod multis angustijs, que de suorum hostium furore prodeunt, subiacere dicuntur. Cum itaque sedis apostolice gratiosa benignitas pro deuotionis ipsorum meritis eos de nouo sub protectione sua duxerit admittendos, et ideo noscatur esse congruum, ut eis ab ipsa fauoris obtati proueniat fulcimentum: nos, eorumdem s(u)pp!icationibus annuentes, ut ipsi uel eorum aliquis, quamdiu parati fuerint congruentibus de se complimentum exhibere iustitie coram iudice competenti, extra diocoesin Lubicensem per litteras apostolicas conueniri non possint, eis auctoritate litterarum nostrarum usque ad triennium duximus indulgendum. Quocirca discretioni uestre per aposto- lica scripta mandamus, quatinus predictos Consilium et commune contra concessionis nostre ,tenorem infra prescriptum tempus non permittatis super hijs ab aliquibus indebite molestari, Molestatores huiusmodi per censuram ecclesiasticam, appellatione postposita, compescendo. Datum Lugduni, II non. Nouembris, pontificatus nostri anno septimo.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}