CCCIiXII.

In nomine sancte et jndiuidue trinitatis. Johannes dei gratia Liuonie, Esto- nie, Prucie ac sancte Rigensis ecclesie Archiepiscopus. Omnibus presentes Litteras inspecturis salutem in omnium saluatore. Quoniam per labores et sanguinem || et expensas mercatorum nouella ecclesia in partibus supradictis ad agnitionem sui creatoris, superna largiente clementia, primitus est perducta, dignum est, ut cuncti mercatores in ipsis partibus perpetuo consequantur gra[|ciam et fauorem. Nos vero, qui ueritatem et pacem diligimus, antiquam libertatem, quam mercatores et naui- gantes in terminis nostris tam hactenus habuerunt, quam etiam eam, que ipsis a nostris antecessoribus || est concessa, commendamus, confirmamus et illibatam volu- mus obseruari; statuentes et sub attestatione diuini examinis prohibentes, vt si quos in terminis nostre juriditionis, tam in Duna, quam in mari, quam in aquis prouincialibus contingat pati fortasse naufragium, nullus eos in rebus suis aut per- sonis rapina vel furto debeat molestare, sed immo, si aliqui naufragium passi fuerint, omnes finitimi homines ipsis naufragis propter deum et iuris naturalis equitatem in tanta necessitate subueniant, sicut sibi uellent in casu simili subueniri, Scientes esse tam apostolica quam Imperiali auctoritate sanxitum, quod omnes res illorum, qui naufragium sunt perpessi, ubicumque appulsa1 fuerint vel adiecta2, siue ipsi naufragi presentes fuerint uel absentes, de mero jure proprie sunt illorum, quj eas ante naufragium possidebant, et res eedem ad eorum heredes pertinent, si fortasse aliqui mortis periculum incurrerunt, nulla contraria consuetudine obsi- stente; heredes vero, qui propter locorum distantiam non possunt comode infra annum et diem prosequi causam suam, infra biennium prosequantur, vel infra triennium, si de remotis fuerint partibus, vel necessitate legitima prepediti. Illis uero, qui dictos naufragos pure adiuuerint propter deum, vnum annum et quadra- ginta dies de iniuncta sibi penitentia misericorditer relaxamus. Qui uero pro tem- porali emolumento manus eis exhibuerint adiutrices, laboris sui mercedem sibi dari faciaut secundum constitutionem bonorum hominum, qui ad hoc fuerint deputati. Qui vero, quod absit, ad rapinam ipsarum rerum extenderit manum suam, statim

1) Lies: appuhe. 2) Liet: adiecte. Bd. 1.

43

558 1275. Marz 24.

ipso facto sententiam excommunicationis incurrat, et nisi infra octo dies restituat quod accepit, Judex, in cuius iuriditione rapina fuerit perpetrata, compellet eundem, quod ipsis naufragis ablata restituat; et pro suo excessu, quem in hoc crudeliter perpetrauit, ipse iudex a raptore tantundem accipiet, sicut a naufragis noscitur spoliasse; et etiam, quoadusque hec ad effectum taliter perducantur, diuina cessent in tota parrochia, ubi rapina commissa fuit, et in illa similiter, vbi res delate fuerint, et emptores earum simili subiaceant ultioni, similiter et judex, vbi rapina contigit, quin ablata procuret restitui infra mensem. Qui vero in hac excommuni- cacione decesserit, antequam fuerit absolutus, omnino ecclesiastica careat sepultura, sed immo cadauer in mare proiectum, ibi condignam penam accipiat, vbi facinus est commissum. Quia vero omnes terre supradicte maxime post deum ope merca- torum ad fidem catholicam sunt conuerse, decens est, dignam ut recipiant retri- bucionem, et ex hoc presenti constitucione sanximus, vt omnes mercatores in omni ciuitate et loco ab omnibus exactionibus, Theloneis siue pedagiis liberi sint per- petuis temporibus et exempti; et si quisquam contra statutum huiusmodi aliquid extorquere presumserit, donec ablata restituat, in duplum Ecclesiasticis careat sacramentis. Concedimus preterea, quod ad ignem et ad reparationem nauium, in litoribus nostre Juridicionis ad succidendum ligna sibi competencia liberam habe- ant facultatem; liberos eciam esse volumus omnes portus, et litora expedita merci- bus in eis collocandis, et pascua communia jumentis et equis eorum pabulandis et pascendis: hoc eciam adiungentes, quod si quis bona sua per furtum, aut per inopinatam ammissionem perdiderit, vbicunque bona sua compererit, ea recipiat integraliter, judice prouinciali racione furti nichil juris in ipsis bonis sibi vendicante. Gracias eciam et libertates vniuersas, quas pie recordacionis dominus et antecessor Albertus, quondam Rigensis archiepiscopus, et dominus Gwido, tituli sancti lauren- cij in lucina presbiter Cardinalis, apostolice sedis legatus a latere missus, racione officij legationis sue mercatoribus supradictis liberaliter contulerunt, eo quod eas racionabiles et possibiles viderimus, ratificamus et confirmamus, volentes eas inuio- labiliter conseruari. Quicumque vero huius pie constitutionis, collacionis et con- firmacionis nostre violator exstiterit, omnipotentis dei et sancte eius genitricis omniumque sanctorum indignacionem et excommunicacionem eternam se nouerit incursurum. Vt autem hec illibata permaneant, presentem paginam sigilli nostri appensione duximus roborandam. Datum Lubeke, anno domini IVfC^LXX quinto, In dominica qua cantatur officium Letare Jherusalem.

Nach dem Originale, auf der Trese, mit anhdngendcm Siegtl.

1275. Mai25. 339