CDXXXV.

Vniuersis hanc litteram inspecturis aduocatus, Consules et Commune Rigen- ses salutem in eo, qui || neminem vult perire. Ad noticiam omnium et singulorum cupimus pervenire, quod nos cum reverendis utique uiris |j ac amicis nostris specia- libus, conciuibus Lubicensibus ac Wisbucensibus Teuthonicis vniuersis, talis confe- deracionis |j nexus vniuit: uidelicet, si forte, quod absit, persone quecunque sublimiores aut inferiores cuiuscunque dignitatis aut gradus nobis uel ipsis, aut etiam quibuscunque Teuthonicorum mercatoribus, nostrum honorem diligentibus et profectum, in portubus Trauene vel Noressunt, aut ab inde usque Nogardiam in toto mari orientali, in omnibus portubus aut navigii locis intermediis, molestie dampni seu grauaminis quicquam intulerint, illud et ipsi et nos reformabimus aut ulciscemur communibus laboribus et expensis, secundum suarum nostrarumque exigentiam iurium,1 prout etiam inter nos communiter est condictum, Predicta confederacionis vnione per integros annos VIII et continuos numerandos in proximo duratura. In cuius rei euidenciam et certitudinem pleniorem, presentem conscribi fecimus cartam et sigilli nostri appendictione communiri. Datum et actum anno gracie MCCLXXXII, in festo natiuitatis domine nostre.