DIAXXI.

In nomine sancte et indiuidue trinitatis, amen. Albertus dei gracia saxonie, angarie et westfalie dux burchgrauiusque Magdeburgensis || et Comes de brenen.

526 1291. Auff. 8.

Vniuersis christi fidelibus in perpetuum. Ne rerum gestarum memoria processu temporis euanescat et pereat, discretorum virorum || prudencia solet eas per litteras eternare. Cognoscat itaque presens etas et sciat postera, quod nos de libero arbi- trio nostro ac cum || consensu dilectorum fratruelium nostrorum, Johannis videlicet, alberti et Erici, Accedente quoque consilio fidelium consiliar(i)orum ac vasallorum nostrorum omnium, rite vendidimus et racionabiliter wernero hunoni, ciui Lubicensi, et ipsius veris heredibus, quos sincere diligimus, proprietatem et jus perpetuum, Judicium quoque maximum et minimum, hoc est colii et manus et omnia inter- media, in tota villa albertesvelde et in omnibus eius attinenciis, ut ipsa bona, que a seniore fratre nostro et a nobis in pheodo tenuerunt et dudum cum pleno iure absque alicuius inpeticione libere possederunt, cum agris cultis et incultis, Siluis et nemoribus, Pratis et pascuis, aridis et paludibus, viis et inviis, Aquis aquarum- que decursibus et cum omnibus distinctionibus eis assignatis, cum omni proprietate, iure perpetuo, Judicio quoque supremo et infimo, colli videlicet et manus et omni- bus intennediis, quiete possideant, nobis nostrisque successoribus, aut nostris vasallis vel officialibus cuiuscunque condicionis extiterint, seu quibuscunque aliis, nichii iuris, Judicii aut violencie de iure vel de facto habentibus in eisdem. Exactionem quoque precariam ac violentam, maximam, mediocrem et minimam, et plane omnia iura et libertates, que vel quas in ipsis bonis habuisse dinoscimur, cuius- cunque nominis fuerint, dictorum werneri et suorum heredum libertati et potestati liberaliter resignamus, ut eis tamquam bonis propriis iure perpetuo perfruantur. Si preterea intra sepes, agros et alias distinctiones eis assignatas, quocunque vocentur nomine, vel eciam in communi strata, quam herstrate vocamus, quocun- que modo vel per quemcunque aliquid contigerit iudicandum, illud ipse wernerus et sui heredes soli iudicabunt, nullo prorsus inde aliquid optinente. Si autem aliquis qualitercunque dixerit, quod intra eorum proprium non acciderit, et si villicus seu magister ciuium ipsorum, assumptis duobus conciuibus suis, Juramento confirmare voluerit, quod intra eorum proprium euenerit, eorum iuramento stabitur: sic talis actio tunc cessabit, taliter quod semper apud wernerum et suos heredes predictos dictum iudicium permanebit. Ceterum si processu temporis idem wernerus aut ipsius heredes huiusmodi bona coniunctim vendere decreuerint vel diuisim, illi vel illis, cui vel quibus ea vendiderint, priuilegia nostra et dictorum fratruelium nostrorum dabimus et procurabimus super iure perpetuo, proprietate, Judicio maiori et minori et intermediis, et omnibus libertatibus et iuribus prescriptis et infrascriptis, aut aliis ei vel eis ad hec utilibus, quandocunque fuerimus requisiti. Ab omni quoque servicio, nobis et nostris successoribus per dictos wernerum et ipsius

1291. Au£. 8. 527

heredes de bonis predictis exhibendo, ipsos et bona predicta et eos, quibus ea vendiderint, presentibus libertamus, volentes, ut ea vendere, pignori obligare, dare vel legare valeant, prout eorum voluntatis fuerit, nostra et nostrorum successorum aut quorumlibet aliorum contradictione non obstante. Incisionem eciam porcorum et aliorum animalium, eo modo, quo ipsam habuimus, eis dimittimus pleno iure. Protestamur eciam nos pecuniam, pro qua dictas libertates vendidimus, in redem- pcionem munitionis nostre Grabowe, quam in curia Serenissimi domini nostri Rudolfi romanorum regis pignori obligaueramus, integraliter conuertisse. Testes huius sunt: Nobilis vir Comes Gerardus de holtsacia, gener noster; fideles quoque milites nostri: Hermannus rybo senior, Dhitleuus de parkentin, Emeke hake, volradus de zulen, Gotschalcus de haghenowe, Johannes balch, wulveko de swartenbeke, volcmarus de gronowe, et alii quam plures clerici et laici fide digni. Ut autem omnia premissa in suo vigore et perpetua stabilitate permaneant, presens scriptum super hiis confectum, sigiilo nostro roborari iussimus in testimonium perpetue finnitatis. Datum Smilowe, anno domini MCCLXXXX primo, Ipso die beati Ciriaci.

iVocJi dem auf der Trese befindlichen Origindle. Das Siegel ist abgerissen.