CIV.

Johannes dei gratia Lubicensis ecclesie Episcopus. Omnibus christi fidelibus, ad quos presens scriptum peruenerit, in christo ihesu gaudium et Salutem. Humane memorie imbeccillitatem, que, uariis impedita negotiis, de facili senium obliuionis consueuit incurrere, scripturarum perpetuitate duximus adiuuare. Nouerint igitur uniuersi, quod, perlata ad dominum nostrum. . Archiepiscopum materia cuiusdam dissensionis inter. . Abbatem sancti Johannis Euangeliste in Lubeke, ex una parte, et Monachos eiusdem ecclesie, ex altera, dominus noster Archiepiscopus, paci ipsorum consulere cupiens et saluti, uiros prouidos et religiosos fratrem Adolfum, quondam Comitem Holtsacie, et fratrem Hernestum, Priorem ordinis fratrum Predi- catorum Hammenburg, ad iam dictam ecclesiam destinauit, ut eorum consilio et prudentia ipsi ad religionem reformandam auctoritate sua et nostra procederent quan- tum possent. Ipsis autem ad eandem ecclesiam uenientibus, et nobis cum ipsis residentibus, Abbatem et Monachos ad presentiam nostram fecimus euocari. Tandem

12*5. Jan. 2. 105

raulto cum ipsis habito tractatu, usque adeo processum fuit in negotio, quod Abbas et Monachi tam super Abbate remouendo quam alio substituendo, et super statu totius cenobii, fide in manibus nostris corporaliter prestita, se nostris ordinationibus simpliciter et voluntarie subiecerunt, quod et manifeste postea coram nobis et Consulibus Ciuitatis et quibusdam aliis sunt confessi. Nos uero attendentes, quod et si per antecessorem nostrum bone memorie, Bertoldum Episcopum, et per nos ipsos super reformatione religionis sepe et multum fuerit laboratum, nullum tamen adhuc inuenimus profectum, quia quod pro religione fuerat ordinatum minime ab ipsis tam Abbate quam Monachis extitit obseruatum. In tantum enim inualuit in predicto loco libertas et oportunitas insaniendi, et propter euagationes in Ciuitate et occasio et consuetudo immo corruptela peccandi, ut spes non sit, quod in illo loco per eosdem Monachos possit religio de cetero reformari. Ideoque prudentum uirorum habito consilio cum predictis duobus fratribus, et nostro Scolastico, Ma- gistro Godescalco et domino Johanne Volquardi presentibus, Consulibus etiam nostre Ciuitatis consentientibus et petentibus, sic statuentes ordinauimus, ut Abbas et Monachi predicti Cenobii exire debeant de Ciuitate Lubicensi ad locum, qui Cicemer nuncupatur, sub regula beati Benedicti domino seruituri; qui locus utique in agris arabilibus et fertilibus, in pascuis, pratis, siluis, molendinis et piscibus adeo est desiderabilis, ut ad commodum et utilitatem claustralium non possit locus aptior eligi itel optari. De ecclesia uero sancti Johannis apostoli et euangeliste cum eisdem fratribus de uoluntate et petitione Ciuitatis nostre statuimus, ut in eodem loco sanctimoniales Cisterciensis ordinis sint, que sub regula beati Benedicti ibidem deo ualeant iugiter famulari. De redditibus autem ecclesie sancti Johannis sic statuimus, ut omnes redditus, quos habuit ecclesia in Holtsacia et in Slauia, ad ecclesiam in Cicemer iure pleno et integro pertinebunt. AHodium uero Valkenhusen et alii redditus, quos ecclesia sancti Johannis habuit in Ciuitate, in Molendino uidelicet, piscatura et areis, ipsi ecclesie sancti Johannis ad necessitatem Monialium integra- liter et iure perpetuo remanebunt, ne ecclesia sancti Johannis nuda a possessionibus habitis relinquatur, precipue cum Tres domine Moniales superstites adhuc sint, que ctun aliis Monialibus, que uiam uniuerse carnis sunt ingresse, [que] olim de collegio sepedicti Monasterii in Lubeke extiterunt. Pro redditibus autem pretaxatis Centum Marche denariorum Monachis in recompensationem a Consulibu» predictis quantotius persoluentur. Ne igitur hec prouida, hec sancta ordinatio ab aliquo in posterum malitiose ualeat immutari, presentem paginam conscribi fecimus et sigillo nostro et fratris Adolfi, quondam Comitis Holtsacie, et fratris Hernesti, prioris fratrum Predicatorum in Hammenburg, duximus roborandam. Testes huius rei sunt: frater

10* 1245. Jan. 2.

Reinardus de ordiue Minorum, et frater Nicolaus quondam Scolasticus Lubicensis; frater Albertus de Bardewik de ordine Predicatorum; nostri Canonici: Godescalcus Scolasticus, Johannes Volquardi; nobilis. . dominus Magnopolensis, milites: Gode- fridus de Bulowe, Bernardus de Balige, et Helyas Gallus, Thidericus Clawe, Gode- scalcus Prefectus, Marquardus Faber; Consules Ciuitatis Lubicensis tunc temporis: Henricus Wullenpunt, Willehelmus domine Vasburgis filius, Rodolfus Wrot, Helyas Rutherius, Henricus de Boyceneburg, Godefridus de Nussia, Johannes de Deling, Thidericus Vorrat et Henricus Vorrat et alii quam plures. Acta sunt hec Anno dominice incarnationis MCCXLV, in ecclesia sancti Johannis apostoli et euangeliste in lubeke, Pontificatus nostri Anno XVI, IIII Non. Januarii. Contradictores et rebellos excommunicamus. In nomine patris et filii et spiritus sancti. Amen.

\ach der Einschaltung in der im Archive des St. Johannis-Klosters vorhandenen Urkunde vom SiS. October 1231.

(unten No. CLXXFl.)

CT.

Johann, Aht, und sdmmtliche Monche des St. Johannis-Klosters zu Liibeck erkldren sich mit der wegen ihrer Versetsung nach Cismar getroffenen Anordnung vollkommen einverstanden. 1245. Jan. 2.

Johannes dei gratia Abbas sancti Johannis euangeliste in Lubeke ac sui Monachi. Omnibus presentes paginas inspecturis orationes in domino. Nouerint uniuersi, quod nos omnem ordinationem factam super statu nostri Monasterii in Lubeke tam auctoritate domini nostri Archiepiscopi, quam auctoritate nostri Episcopi Lubicensis, gratam habemus in omnibus et ratam. Ego enim et omnes fratres nostri Cenobii clerici, fide prestita manuali in manus domini nostri Episcopi Lubi- censis, nos simpliciter et uoluntarie obligauimus nulla conditione facta, quod omnem ordinationem circa ipsum Monasterium, tam auctoritate domini nostri Archie- piscopi, quam auctoritate domini Episcopi Lubicensis factam, simpliciter obedientes seruaremus, sicut in ipso priuilegio super hac ordinatione conscripto plenius continetur, precipue autem recognoscentes, quod Allodium Valkenhusen et piscatura et omnia bona nostra, que infra ciuitatem Lubicensem sunt constituta, liberaliter et iure perpetuo ecclesie sancti Johannis Euangeliste, et Monialibus ordinis Cister- ciensis ibidem moraturis ad earum sustentationem relinquimus possidenda. Vt autem hec rata permaneant, presens scriptum sigilli nostri appensione duximus roborandum. Testes huius rei sunt: frater Adolfus quondain Comes Holtsatie,

1245. Jan.2. 105

frater Hernestus Prior fratrum Predicatorum in Hammenburg, frater Reynardus de ordine Minorum, frater Nicolaus quondam Scolasticus Lubicensis, et frater Albertus de Bardewike de ordine Predicatorum; Canonici Lubicenses: Magister Godescalcus Scolasticus, Johannes Volquardi; nobilis uir dominus Johannes Magnopolensis; Mihtes Slauie: Godefridus de Bulowe, Bernardus de Walige, Eckecardus Gallus, Thidericus Clawe; milites Holtsatie: Godescalcus prefectus, Marquardus Faber; Con- sules Ciuitatis: Henrious Wllenpunt, Willehelmus domine Vasburgis, Rodolfus Wrot, Helyas Rutherius, Henricus de Boycenburg, Godefridus de Nussia, Johannes de Deling, Thidericus Vorrat, Henricus Vorrat et alii quamplures. Acta sunt hec

9 ° 9 • > ■

anno dominice incarnationis M CC XL V, in ecclesia sancti Johannis apostoli et euangeliste in Lubeke, IIII Non. Januarii.

Xach der in dcr Vrkunde vom 28 October 1281 (S. unten Aro. CLXXVI.) cnthaltcncn FAnschaltung.