CCLXXXII.

Venerabili patri dei gracia . . Episcopo Raceburgensi frater Guido, mise- ratione diuina Tituli sancti || laurentii in lucina presbyter cardinalis, apostolice sedis legatus, salutem in domino sempiternam. Deuotorum filiorum || innocentia et malignorum peruersitas hoc merentur, vt et bonorum indempnitati, quantum cum deo [| possumus, caueamus et malorum machinamenta a suorum desideriorum calli- ditate frustremus. Sane cum ciuibus Iubicensibus benefaciens dominus bonis et rectis corde multa beneficia contulerit in presenti, quidam de circumstantibus hominibus, qui a deo similia consequi non merentur, contra eos inuidia stimulante maliciose el nequiter commouentur, Quoddam ex hoc suarum miseriarum solacium expectantes, si miseros facere potuerint eos, a quibus miseriam excludere uoluit summi dextera largitoris. Ex quo accidit, vt predictis ciuibus lubicensibus pericu- losum sit, a sua ciuitate longe discedere propter huiusmodi malitiosas insidias inuidorum. Inde est, quod nos, deuotis eorum precibus fauorabiliter inclinati, vt extra diocesim lubicensem non possint trahi per nostras litteras, que de presen- tibus plenam et expressam non fecerint mentionem, pro causis que nundum1 incepte sunt, dum tamen infra terminos eiusdem diocesis de ciuibus supradictis possit haberi iusticie complementum, tenore presentium duximus concedendum; discretioni uestre qua fungimur auctoritate mandantes, quatinus predictos ciues contra hunc nostre concessionis tenorem non permittatis ab aliquibus indebite molestari, Con- tradictores et rebelles per censuram ecclesiasticam compescendo. Datum apud magde- burgum, pridie ydus Februarii, pontificatus domini clementis pape IIII" anno primo-

1266. Auff. 29.