CCXXXVIII.

Alexander episcopus, seruus seruorum dei. Dilectis filiis, Consulibus et Vniuersitati ciuitatis Lubicensis salutem |J et apostolicam benedictionem. Non num- quam instans deuotorum supplicatio nos inducit, ut ipsorum peticiones, per quas eorum || occurritur gravaminibus et quieti consulitur, ad exaudicionis gratiam ad- mittamus. Sincere igitur deuotionis affectum, quem ad || nos et Romanam eccle- siam habere dinoscimini, sollicite attendentes, ac per hoc vestre cupientes prouidere quieti, auctoritate vobis presentium indulgemus, vt nulli ordinarii, necnon delegati, subdelegati, executores seu conseruatores a sede apostolica uel eius legatis dati, possint in vestras et uxorum ac filiorum vestrorum personas excommunicacionis et infra muros vestros interdicti sentencias proferre, nec facere promulgari, absque mandato sedis apostolice speciali de hoc indulto plenam et expressam de uerbo ad uerbum mencionem faciente; Non obstantibus aliquibus litteris seu indulgentiis, a sede apostolica vel legatorum eius impetratis, aut eciam impetrandis, per quas huiusmodi concessio ualeat impediri. Decernimus eciam, vt, si aliquid contra huiusmodi concessionis nostre tenorem a quoquam exstiterit propria temeritate pre- sumptum, sit irritum et inane. Et si forte alique sentencie in vos hac occasione prolate fuerint, nullum robur obtineant firmitatis. Nulli ergo omnino hominum liceat hanc paginam nostre concessionis infringere, uel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorurn eius se nouerit incursurum. Datum viterbii, IIII Kal. Augusti, pontificatus nostn Anno Tertio.

Sach der auf der Trese befindlichen Urechrift, mit anhdngender Dulle.

1257. Jul. 29. 223