XLVI.

J\overint universi presencium noticiam habituri, quod nos Witko et Johannes filius ejus de Swabenicz considerantes, quod inter opera pietatis elemosina precipue peccata minuit, dat graciam in presenti et addit gloriam in futuro, in remissionem nostrorum peccaminum, et remedium animarum progenitorum nostrorum, ac Agnetis uxoris olim nostre, et matris nec non Boczkonis, Wseborii et Gerhardi aliquando filiorum nostrorum et fratrum, viris religiosis . . . Preposito et conventui fratrum, eorumque successoribus Ecclesie Zderasiensis per eosdem progenitores nostros fundate Prageusis Dio;cesis ordinis sancti Augustini Sacro- Sancti sepulchri Dominici Jerosolimitani unum laneum terre nostre aratorie situm in Mo rawan villa nostra, in cujus ville Ecclesia ipsi Prepositus et fratres ex ordinacione nostra habent Jus Patronatus, quem laneum Otlinus frater olim judicis ejusdem ville nostre a nobis tenuit jure Thevtunico, quod. Prepositus et fratres apud successorem ejusdem Othlini pecuniis

35

suis emerunt, et viginti quinqne pecias terre aratorie, que vulgariter nyvi vocantur, ibidem in Morawan ad nostras araturas spectantes, que faciunt duos laneos, rubum quoque nostrum ibidem, qui Rochinka dicitur, et pratum nostrum juxta rivulum Gobrawam situm, et ejusdem rivuli littus unum, cujus alterum pertinet ad Dominum Wsnatham de Lomnicz in presencia Reverendi in Christo Patris et Domini Domini Johannis venerabilis Olomucensis Episcopi cum omnibus et singulis juribus, pertinenciis, utilitatibus, et obvencionibus, ac qualibet über tate principaliter propter Deum, et plurimorum dampnonun recompensam, que predicti Prepositus et fratres propter nos, sua bona alienando, prob dolor sunt perpessi, dedimus, donavimus, et tradidimus, et in ipsos ex certa nostra sciencia transtulimus, ex nunc omnia supra dicta dantes, et assignantes eisdem possessionem corporalem omnium predictorum, ut semper de eisdem bonis libere valeant facere quodlibet velle suum, promittimusque per sollempnem stipulacionem, dacionem, donacionem, et tradicionem ac corporalis possessionis assignacionem predictorum omnium et singulorum, perpetuo ratas, gratas, et firmas per nos, et nostros heredes, et successores habere, ac nos facturos, et curaturos ipsas a qualibet persona, cui quodcunque jus competit in bonis predictis ratas haberi, et specialiter a Domina Berchta dilecta conjuge nostra, scilicet Witkonis, nec ullo unquam tempore contra eas de jure, vel facto ex causa quacunque venire, nec ipsos Prepositum et fratres, in suis homi- nibus, animalibus et rebus ibidem in Morawan per nos, alium, vel alios perturbare, imo eosdem Prepositum et fratres in predictis bonis, hominibus, et rebus suis pro viribus defen- sare, et predicta omnia et singula pro ipsis fratribus, et eorum successoribus nostris laboribus ■et impensis a quolibet nomine disbrigare, et ipsos penitus indempnes in eviccione predictorum bonorum servare, alioquin omnes inpensas racione predictorum bonorum, a Preposito et fratribus ipsis factas, ipsis ex integro tenebimur resarcire, de quorum quantitate volumus, et spondemus ipsius Prepositi simplici stare verbo. Renunciamus quoque expresse pro nobis, heredibus, et successoribus nostris quibuslibet predictis tribus laneis, rubo, prato, rivulo et eorum juribus, et pertinenciis universis, insuper omni Juris Canonici Civilis, consuetudinis, privilegii, statuti, restitucionis in integrum, et specialiter juris terre, et cujuslibet alterius juris auxilio, quod nobis ambobus vel alteri nostrum, aut nostris heredibus seu successoribus contra omnia vel singula supradicta, vel aliquod predictorum competit, vel competeret modo quolibet in futurum.' Insuper dedimus, et donavimus similiter in presencia predicti Domini Episcopi, in Sivabenic Ecclesie, in qua iidem Prepositus et fratres ex donatione nostra, et nobilium virorum Dominorum Hrabisii de Klinowicz, et Nicolai de ipso Swabenic consan- guineorum nostrorum habent Jus Patronatus, laneum et dimidium in Dydkowicz villa sitos, cum juribus, pertinenciis, usu fructu, et sollempnitatibus priori donacioni adjectis omnibus et singulis supradictis, usu eorundem cuidam matrone Lukardi nomine ad vite sue tempora derelicto. Post mortem vero, seu resignacionem ejusdem Lukardis, memorati Prepositus, et fratres, et eorum successores habeant Dominium et proprietatem, usum, usum fructum, et quamlibet utilitatem libere perpetuo laneis in eisdem, in quibus pro nobis, nostris heredibus et successoribus quibuscunque nichil juris penitus reservamus. In quorum omnium testimonium, et robur perpetuo valiturum, ac cautelam ipsorum Prepositi, fratrum, et successorum eorundem

36

presens scriptum fieri, et sigillorum prefati Domini nostri Episcopi, et nostrorum munimine procuravimus roborari. Datum et actum in Olomucz anno Domini millesimo trecentesimo undecimo pridie nonas Junii.

(Excussum apud Dobner „Monumenta* I. p. 233. secundum autographum archivi Zderasiensis; conferr apud eundem IV. p. 284.)