LIII.

lVir Elyzabeth, weilen Chuniginne von Rom, veriehen vnd tun chunt . . . daz wir von den treven, der wir vnserm lieben Bruder, Chunig Heinrichen von Beheim vnd von Polan, Hertzogen ze Chernden, vnd Grafen ze Tyrol, vnd vnserm lieben Son, Hertzogen Friedrichen von Oesterreich vnd von Steyr, gebunden sein, alle die missehelunge vnd chrieg, di zwischen in baiden vntz an diesen zeit gewesen sint, begeren ze pringen, in freuntschaft vnd in lieb . . . vnd davon sprechen wir schiedlich von dem Gewalt, den si vns baidenthalb mit iren offen brifen geben habent, . . . des ersten, daz si gantz und lauter vreunt sein . . . Darnach sprechen wir, swaz vnser vorgenanter Bruder, vnsern vorgenannten Svn, der fümf vnd vierzich Tausent March Silbers noch schuldig beliben ist, von den taydingen, vnd von dem gewerft, di zwischen in baiden bei Mevrperg geschahen, vnd verschriben wurden vm daz Chunigreich ze Beheim, daz sol gäntzlichen fürder gen, vnd ab sein, vnd sol ouch des vnser bruder ledig sin. Wir sprechen ouch . . . Vnd darvber, daz alle vnser vorgeschriben sprüche vnd schiedung stät vnd vnzerbrochen beliben, geben wir ze einem vrchunde disen brief, gesigelt mit vnserm Insigel. Vnd wir, die vor- genanten Heinrich, von Gotes gnaden Chunig von Behem vnd von Polan . . vnd wir Friderich von Gotes gnaden Hertzog von Oesterrich vnd von Steyr, . . . veriehen offenlich, ouch an disem prief, vnd loben . . . daz wir alle di sprüche vnd schiedung . . an gevärde laisten vnd volfüren wellen . . als da vor geschrieben stet, vnd dorvber ze einem sichligen vrchunde, haben wir baid vnseren Insigel an disen brief gehangen. Dieser brief ist gegeben, vnd ditz ist geschehen, ze Salczburch, do man zalt von Christes gepurde, Dreuzehen Hundert Jar, vnd darnach in dem Ainleften Jar, des nächsten tages nach Sand Margareten tag.

41