CCCI.

Johannes dei gratia Bohemie et Polonie rex ac Lucemburgensis comes ad uni- uersorum tam presentium, quam futurorum notitiam tenore presentium volumus deuenire. Quod fideles nostri dilecti ciues ciuitatis nostre Olomucensis nec non aliarum ciuitatum nostri marchionatus nostram accedentes presentiam nobis humiliter supplicarunt ut super quodam articulo iuris Magdeburgensis videlicet pro arrestatione equorum de quo multa in- commoda et rerum dispendia hactenus ipsis ciuibus multipliter euenerunt, vellemus dispensare. Nos vero animo reuoluentes, quod nos inter curas ceteras nostri pectori insidenti illud continue meditamur, qualiter fideles nostri, sub nostre ditionis dominio releuentur ab inopiis et continuis fructuum et utilitatum prestante altissimo proficere ualeant incrementis. Hac prouida deliberata et in perpetuum valitura constitutione mandamus statuimus irrefragabiliter et sanccimus auctoritate regia concedentes, ut predicti ciues nostri Olomucenses et singuli alii ciues ciuitatum oppidorum et villarum in marchionatu nostro predicto existentium, eo iure Magdeburgensi, ut predicti ciues Olomucenses fruentes, cum quis equum in dicta ciuitate Olomucensi aut in alijs ciuitatibus nostris ut prefertur, circa quencunque hominem secularem vel spiritualem sibi spoliatorie seu furtiue ablatum arrestauerit, ex tunc idem, circa quem

30

234

arrestatns fuerit suum emptitium quod vulgariter sein gestolen dicitur ad prefatam ciuitatem, qui per eum nominatus fuerit, statuere et adducere debet, et ibidem placiter coram aduocato et iuratis predicte ciuitatis pro tunc constitutis dictam causam iurisdictionaliter debet terminare et nunquam de cetero aliquis, qui equos suos sibi ut predicitur ablatos arrestauerit, eundem de eadem ciuitate, seu oppido circa quem arrestatns fuerit ad alias ciuitates seu terras sequi debeat et tenetur. In cuius rei testimonium presentes literas fieri et sigillo nostre maiestatis iussimus communiri. Datum in Wratislauia anno domini millesimo trecentesimo vigesimo sexto regnorum vero nostrorum anno quinto decimo.

(Ex originali cum sigillo equestri integro in archivo ejusdem civitatis copiavit Ant. Boczek.)

cccn.

Henricus de Lipa donat monasterio Aulce S. Marice in Antiqua Bruna juspatronatus ecclesice in Wolframitz. Datum Brunce, Nonas Januarii 1326.

\os Heinricus de Lipa, Capitaneus Morauie, Summus Regni Bohemie Marschalcus, ad vniuersorum noticiam volumus imperpetuum peruenire, Quod nos iugem deuocionem diuersaque virtutum exercicia deodeuotarum virginum in Monasterio, Aula sancte Marie dicto, in suburbio Ciuitatis Brunne situato, Ordinis Cysterciensis, sagaci mentis nostre in- tuentes oculo earum deuocionum aliqualibus beneficiorum inpendijs conparticipes Nos efficere cupientes, Considerantes per hoc nostre et predecessorum, ac successorum nostrorum ani- marum remedium, siue memoriale perpetuum aliquod posse salubriter ordinari, Collacionem siue Juspatronatus Ecclesie parrochialis in Wolframicz omni Jure ac libertate, quibus ad Nos et Heredes nostros spectare dinoscitur, de consensu et ex certa sciencia filiorum no strorum dilectorum videlicet Heinrici et Johannis, dictis domine Abbatisse, et ipsis virginibus ac Monasterio Aula sancte Marie dicto, superius expresso, damus et conferrimus in ipsam Abbatissam, que pro tempore fuerit, et Conuentum dicti Monasterij omne Jus Collacionis, siue' Juspatronatus predicte Ecclesie Parrochialis in Wolframicz nostro, heredum ac succes sorum nostrorum nomine transfundimus et transferimus pleno Jure dantes ipsi Abbatisse et Conuentui Monasterij prefati Juspatronatus siue Collacionem Ecclesie predicte in vnam vel in plures personas, aut ei vel eis conferendi, aut in alios pios vsus conuertendi, et alio quouis modo pro suo libito faciendi, sine nostra heredum ac successorum nostrorum aut alterius cuiuslibet contradiccione perpetuo plenam et liberam potestatem. In cuius rei testi monium et robur perpetuo valiturum presentes literas scribi, et sigillis nostro et filiorum nostrorum Heinrici et Johannis superius expressorum iussimus communiri, Et nos Heinricus Juuenis, et Johannes dicti de Lipa omnibus suprascriptis consensum et conniuenciam plenam prestantes, sigilla nostra ex certa nostra sciencia in maiorem euideuciam fecimus hijs appendi. Actum et Datum Brunne Anno domini Millesimo Trecentesimo vicesimo sexto, Nonas Januarij.

(Orig. membran. cum III. sigillis bene conservatis in archivo monasterii „Aula S. Älarite" apud C. R. Gubern. Brunte sub lit. K. n. 8.)

235