CXXXIII.

Johannes Episcopus Servus Servorum Dei Dilecto filio Nobili Viro . . Duci Cra coviensi salutem et apostolicam benedictionem. Cum Habra; patris fidei typum geramus in Dei ecclesia licet insufficientibus meritis catholicam fidem specialiter tueri tenemur, ipsiusque pro viribus ubilibet incrementa producere, ac eam a malignorum et pravorum quorumlibet hereticorum presertim atque credentium fautorum defensorum ac receptatorum illorum dolosis insidiis et fallaciis fraudulentis opportunis remediis preservare, propter quod nimio dolore replemur cum audimus aliquos vel sentimus ad ipsius fidei depressionem qualicumque ma- lignitate consurgere et ad demolitionem vinee Domini Sabaoth nequiter anhelare, nunc eam temerariis depravando reprehensionibus, nunc fictis et mendacibus pervertendo commentis aut ei detractionibus arrogabilibus derogando. Sane non sine amaritudine cordis acccpimus quod in aliquibus partibus Regnorum Boemie atque Polonie, et in carinii confinibus atque limitibus precipue in Pragensi Olomucensi Cracoviensi Wratislaviensi ac Missinensi Civitati- bus et Diocesibus adeo patenter heretice infidelitatis error invaluit, quod ibidem quamplurimi a via veritatis prorsus aversi euntes post devium falsitatis ac seipsos diversis et variis

105

heresibus maculantes pestiferas ad concutiendum orthodoxe murum fidei machinas construunt, ipsamque subvertere falsis et vulpinis impulsibus fallacium argumentationum intendunt. Verum licet ad talium iniqua ubique consternenda molimina eo animosius aspiremus quo pernitiosius ea in dispendium animarum non ambigimus redundare, et quo latius serpunt ac dilatantur periculosius si non in suis initiis extinguantur. Cupientes tamen ancxie in Civitatibus ac Dioc. locis et terris eisdem veluti genülibus et paganis quam conterminis negotium fidei elisis omniuo quibusvis erroribus heresumque quarumlibet eradicatis vepribus iugi profectu convalescere fortius ac felicius prosperari ad id inibi promovendum per nos et alios attentius nec immerito vigilare studemus. Vnde providimus dilectos filios fratres Coldam et Peregrinum Predicatorum et Artmannum et Nicolanm Minorum Ordinum, quorum honesta conversatio, ut speramus, exemplum tribuet puritatis et doctrinam fundent erudita labia salatarem, ad Inquisitionis officium in predictis Civitatibus dioc. locis et terris contra hereticos credentes fautores defensores et receptatores eorum iuxta formam canonum exequendum per aposto- licas litteras deputandos. Quia igitur etsi potestatis terrene sit debitum prevaricantium crimina persequi, illud tamen ei principalius iminet et onus cure artioris importat, ut adversus hostes catholice fidei durioris aculeo animadversionis insurgat. Nobilitatem tuam monendo rogamus et hortamur attente obsecrantes per viscera misericordie Dei nostri, et nichilominus tibi per apostolica scripta mandantes quatinus pia meditatione pensata, quantum tua et ceterorum catholicorum Nobilium et Magnatum interest, ut induti loricam fidei ad illius vitanda pericula et hostium eius audaciam compescendam, vos viriliter accingatis, ne dissimulare videamini illius per quem regimini et regatis iniuriam quantum in te fuerit, et ad te pertinuerit contra ipsos hereticos credentes fautores defensores et receptatores eorum sie insurgere studeas, sie eisdem Inquisitoribus circa tam pium commissum eis officium salubriter exequendum consiliis auxiliis et favoribus opportunis assistas, quod tuo mediante suffragio per eorum sacrum ministerium ac studium vigile et sollicitudinem indefessam, Civitates, Dioc. terre et loca predicta ab huiusmodi pravis contagiis assistente divina gratia expurgentur ac fidei catholice nitor multiplicetur et solidetur ibidem et clarius et lucidius elucescat, in Dei hono rem et eiusdem, fidei incrementum, soliditatem et statum per quod ab eo, cuius ages in hac parte negotium inextimabile tibi premium compares et extolli possit dignis in Domino laudibus nomen tuum. Datum Avinione Kal. Maii Anno Secundo.

In eundem modum dilectis filiis Nobilibus viris Henrico de Lipo, Petro de Monte Rosarum, Willelmo de Waldek, Willelmo de Landsteyn, Henrico de Monte Luado, Be- nessio de Wartenberk, Johanni de Mezynedi, et Potoni de Pozericz ac ceteris aliis Nobilibus per Regnum Boemie constitutis ad quas presentes pervenerint etc. Cum Habrce etc. ut supra mutatis mutandis de singulari in plurali usque per viscera misericordie Dei nostri, vobisque nichilominus in remissionem peccaminum iniungentes quatinus etc. ut in eadem per totum. Datum ut supra.

In eundem modum dilectis filiis Pragensi et Olomucensi ac aliis Universitatibus Civitatum Castrorum et aliarum villarum ac Terrarum per Regnum Boemie constitutis etc. Cum Habrce etc. ut supra usque precipue in vestris Pragensi et Olomucensi ac aliis

14

106

Civitatibus, Castris, Villis, et Terris per Regnum Boemie constitutis adeo etc. ut in eadem usque tamen ancxie in Civitatibus Castris Villis ac Terris eisdem veluti etc. ut in eadem mutatis .mutandis. Datum ut supra.

In eundein modum Dilecto filio Nobili Viro . . Duci Wratislaviensi etc. Cum Habrce ut in proxima superiori usque dilectos filios fratres Coldam et Peregrinum Oppo- liens. Predicatorum, ac Hartmannum Pilnens. et Nicolaum Hyspodinet de Cracovia Mino- rum Ordinum, quorum honesta etc. ut supra per totum. Datum ut supra.

In eundem modum Carissimo in Christo Filio . . Regi Boemie etc. Cum Habrob patris fidei etc. ut in IV superiori usque Regnorum tuorum Boemie etc. ut in eadem usque dilectos filios fratres Coldam et Peregrinum Opuliem. Predicatorum et Hartmannum Pilnens. et Nicolaum Hyspodinet de Cracovia Minorum Ordinum quorum honesta etc. usque animadversionis insurgat. Excellentiam tuam monendo rogamus et hortamur attente obsecrantes per viscera misericordie Dei nostri et nichilominus tibi per apostolica scripta mandantes quatinus pia meditatione pensata quantum tua et ceterorum Catholicorum principum inter- est ut induti loricam fidei etc. per totum. Datum ut supra.

In eundem modum Dilecto filio Nobili Viro . . Marchioni Misnensi etc. Cum Habrce etc. ut in prima que dirigitur . . Duci Cracoviensi. Datum ut supra.

(Ex autographo Regesto Johannis papte XXII. anni II. part. I. pag. 316. epist. 1054. in Tabulariis Vaticanis copiavit Dr. B. Dudik.)