CXXXIX.

Johannes episcopus seruus seruorum dei, Dilectis in Christo filialibus . . Abbatisse et Conuentui Monasterij in Znoyma ordinis sancte Cläre, Olomucensis diocesis Salutem et apostolicam benedictionem. Presignis uestra religio, que in Monasterio uestro a uobis et alijs personis in eo degentibus sub onere voluntarie paupertatis iugiter colitur sie a uobis mundanas relegauit illecebras, ut claustralis abstinencie nexibus religate puritate fulgeatis obseruancie regularis et uoluntatis libitum coartantes omnino sub obediencie debito dignam et sedulam exhibeatis domino seruitutem. Sane exhibita nobis ex parte uestra peticio con- tinebat, quod licet felicis recordacionis Bonifacius papa VIII predecessor noster vniuersis Abbatissis et Conuentibus uestri ordinis per suas litteras duxerit indulgendum, ut ad pre- stationem decimarum de quibuscumque possessionibus et alijs bonis earum, que tunc habebant, et iustis modis possent acquirere in futurum minime tenerentur, neque ad id conpelli possent, Nosque indultum huiusmodi duxerimus innouandum, tamen venerabilis frater noster . . Episcopus Olomucensis et Rectores Parrochialium ecclesiarum Olomucensis diocesis indultum huiusmodi uoluntaria interpretatione restringere molientes asserunt, quod pro possessionibus et bonis huiusmodi noualia debent intelligi, et quod dictum indultum sit ad bona, que non cadunt sub decimacione sed dumtaxat ad noualia extendendum. Quare nobis humiliter sup- plicastis, ut cum propter hoc predictum indultum' uobis reddatur inutile, prouidere uobis super hoc de oportuno remedio dignaremur. Nos igitur attendentes interpretacionem huius modi eiusdem verbis indulti ac intentioni dicti predecessoris et nostre plurimum obuiare,

111

cum si sie stricta fuisset eiusdem predecessoris intentio, ubi posuit de possessionibus quibus- cumque et alijs bonis eorum, solumodo de noualibus posuisset. Volumus et presentium auctoritate decernimus, quod interpretatione predicta aliquatenus non obstante ad prestationem decimarum quarumcumque possessionum et bonorum nostrorum, que in presenciarum obtinetis et iustis modis dante domino potueritis adipisci siue decimalia dudum extiterint siue non, decimalia per dictum Episcopum et Rectores, uel quoscumque alios non possitis contra eiusdem indulti tenorem aliquatenus coartari, cum huiusmodi concessionibus et graciosis indultis, ut priuilegium non censeatur inutile, sit benigna interpretatio facienda. Nulli ergo omnino hominum liceat hanc paginam nostre uoluntatis et constitutionis infringere uel ei ausu temerario contraire. Si quis autem hoc attemptare presumpserit indignationem omni- potentis dei et beatorum Petri et Pauli Apostolorum eius se nouerit incursurum. Datum Amnione VIII Idus Augusti, Ponlificatus nostri anno Secundo.

(Orig. membran. cujus sigillum avulsum est, in archivo ejusdem monasterii apud C. R. Gubern. linuia' sul) lit. P.