LVI.

In Nomine Domini Amen. Ego Thechoncius Canonicus Olomucensis ecclesie sana mente et integra racione. sciens quod nichil est cercius morte, et nichil est incercius hora mortis, de rebus michi a Deo collatis facio et condo meum testamentum. sub hac forma. In primis possessiones, quas emi in Pistritz. et in Neredin. sicuti priori testamento contuli filio Wenceslai Radslao. nomine vicarie sancti Egidii. in eadem villa Bistriz. quator laneos.

42

et quintum laneum. ut peragat aniversarium Domini Theodrici episcopi. de tribus fertonibus. et meum de vno fertone. De rebus autem mobilibus et inmobilibus. facio meos testamentarios. dominum Fabianum. Custodem Olomucensem. et dominum Ortolfum vicarium Ecclesie ejusdem, Sed quia res. quas in priori testamento legaveram. propter mala tempora expendi. Ideo facio nunc aliud testamentum. In primis do. et lego dominabus in Thusnowitz. decem marcas. dominis meis et confratribus. quator marcas. vicariis eiusdem eeclesie. duas marcas. pre- bendatis. mediam marcam. ita tamen, quod eadem media marca. per Annum eis diuidatur per Ortolfum. Item do et lego. fratri meo Mathie. quator marcas. Item famulo meo Vrso. VI. marcas et equm. Item fratribus predicatoribus. marcam. et fratribus minoribus. marcam. Item Bratrusse marcam. et Welcze marcam. Item, cuidam nepti mec duas marcas. Annum gracie et omnes annonas meas yemales. et estiuales committo meis testamentariis. ut de ipsis ordinent secundum quod eorum conscienciis videbitur expedire. Domum meam superius prius legaui Wenceslao. sie modo in presenti. eandem domum confero bona fide. Acta sunt hec. et scripta, per manum fratris Lupoldi. Gardiani Olomucensis. anno domini. M.CCCXII.

(Ex original! in archivo capituli Olomucensis desumsit Ant. Boczek.)