XXXI.

In nomine domini amen. Johannes dei gracia Olomucensis Episcopus, vniuersis presentes litteras inspecturiö, salutem in domino Jesu sempiternam. Ne rerum gestarum memoria per decursum temporis deperiret, sapientum introduxit auctoritas et consuetudo lau- dabilis approbauit, vt ea que geruntur in tempore, ad eterne rei memoriam scripturarum testimonio perhennentur. Noscat igitur tam presens etas quam successura posteritas futurorum. Quod Religiosus vir frater Egidius Lector sancti Michaelis Brunnensis in nostra constitutus presencia . . Prioris ac aliorum fratrum domus sancti Michaelis Ordinis fratrum Predicatorum in Olomucz nobis exponere curauit, quod Nobilis et honesta domina Woyslawa bone memorie Relicta quondam domini Jenczonis de Doblin, feruore ahni spiritus inflammata Jus patronatus Ecclesie sancti Bartholomei in Wazan quod ad ipsam iure hereditario a multis retroactis temporibus pertinebat Religiosis dominabus . . Priorisse et Conuentui Sororum inclusarum Monasterii sancte Katherine in Olomucz secundum instituta et sub cura eorundem fratrum Predicatorum viuencium, dudum contulit, concessit, tradidit, et donauit, pro suo suorumque remedio peccatorum, per ipsam Priorissam et Conuentum Sororum Monasterii predicti libere ac perpetuo possidendum, Nobis humiliter, ac cum instancia supplicando quatenus concessioni seu donacioni huiusmodi predicte domine Woyslaue nostrum assensum dignaremur de benig nitate solita inpertiri, ac ipsam ex officij nostri debilo confirmare. Nos attendentes peticionem ipsius fratris Egidii, et aliorum fratrum predicatorum iam dictorum racionabilem atque iustam principaliter diuine remuneracionis intuitu, et propter dictarum sororum inopiam releuandam, de voluntate et consensu in Christo fratrum nostrorum dominorum Budistai Decani, Cyri

25

Prepositi, Magistri Johannis Archidiaconi, ac tocius Capituli nostre Olomucensis Ecclesie et omnium aliorum quorum intererat, interueniente eciam sollempni tractatu qui in talibus interuenire consuouit, Concessionem, sev Donacionem ipsius Domine Woyslaue predictam, ratam et gratam habentes auctoritate qua fungimur confirmamus. Volentes, vt predicte Do- mine . . Priorissa et Conuentus sorororum monasterij sepedicti Ecclesiam in Wazan predictam cum vacauerit officiare valeant per vicarium, qui a nobis et successoribus nostris Curam recipiat animarum, ac ibidem amministrare omnia Ecclesiastica Sacramenta. Ad hec permit- timus et cpncedimus, vt iam dicte religiose Domine . . Priorissa et Conuentus Sororum Monasterii sepelati, omnes fructus et prouentus eiusdem Ecclesie in Wazan in oblacionibus, decimis, et alijs redditibus quocunque nomine censeantur, suis possint vsibus applicare. Sustentacione dumtaxat vicarij congrua reseruata, Juribus legatorum Sedis apostolice nostris ac archidyaconalibus per omnia semper saluis. In quorum omnium testimonium et euiden- ciam pleniorem presentes litteras fieri, et Sigillorum tam nostri, quam predicti ecclesie nostre Capituli munimine iussimus roborarj. Datum in Modricz anno domini Millesimo CCC. Nono. XIII. Kalendas Decembris. Indictione VII. Pontificatus nostri anno septimo.

(Orig. membran. cum duobus sigillis ex parte lesis in archivo Societ. Jesu apud C. H. Gubern. Brume. Fase. 56. n. 49.)

xxxn.

Magistrates Pragensis recognoscit, quod Raimundus de Lichtenburg Theoderico, civi Pra- gensi, pro debitis sedeeimam partem septimm partis in Vaserad obligatur. Dt. Pragce in

Circumcisione domini 1310.

Illos Wolflinus Judex, Eberlinus de Lapide, Sybota de Bensaw, Betlehem, Hyl- prandus, Zyfflinger, Petrus nigri, Albertus Alberti, Conradus de Lapide, Rugerus Rusticus, Conradus Plaier, Memlinus Rokczinerij, Nycolaus Wolflini et Rudlinus Volklini Jurati et Ciues Ciuitatis Pragensis, Ad singulorum noticiam deducimus per presentes, quod Discretus vir Theodricus, noster conciuis in nostra presencia constitutus recognouit se cum Nobili viro, domino Remundo de Luchtenburch, pro suis debitis, in quibus sibi, Idem dominus Remundus, ab antiquo abligatus fuerat consedisse in die dominico proximo post festum sancti Nycolai primo preteritum, et racionem fecisse, pro ijsdem debitis cum eodem domino, pro quibus ipse dominus Remundus eidem Theodrico sedecimam partem, septime partis in Vaserrad obligauerat et adhuc pro residua pecunia obligauit Ita, quod racione inter partes ipsas habita, ipsius domini Remundi pars eadem sedecima septime partis in Quingentis Nonaginta duabus Marcis bernibus denariorum Pragensium, ipsi Theodrico remanet obligata, Quam partem Theodricus predictus sine impedimento quolibet tenere debet tam diu, quousque pars eadem sedecima in Vaserrad se liberet de pecunia memorata, Insuper quandocumque Theodricus predictus pecuniam ipsam, Quingentas et Nonaginta Marcas cum duabus, videlicet pro se, de ipsa parte sedecima receperit, ex tunc pars sedecima septime partis pretacta ad dominum Remundum predictum libere reuertetur, nec ipse Theodricus ipsi domino Remundo de quoquo debet aut tenebitur vlterius imputare, In cuius rei testimonia presentes conscribi fecimus

4

26

literas, et Sigilli nostre Ciuitatis munimine communiri, Datum et Actum Prage, Anno domini Millesimo CCC° Decimo, In Circumcisione domini nostri Jesu.

(Originale cum sigillo majori pendenti mutillo in archivo marchionatus Moravite sub Nr. I. inter Miscellanea.)