CCXLV.

Dt. Brunce, VII. Kalend. Octobris, 1323. 1% os Johannes dei gracia Bohemie et Polonie Rex ac Lucenburgensis Comes. Notum facimus tenore presencium vniuersis. Quod quia constat nobis de certo, quod fideles nostri iudex, iurati et vniuersi ciues ciuitatis nostre Znoymensis ex specialis concessione gracie per felicis memorie quondam Reges Bohemie, predecessores nostros eis facte theloneum salis et officia siue prouentus de extraccione vasorum, de mensuracione frumenti in dicta ciuitate Znoymensi pro facienda ipsius ciuitatis melioracione perceperunt et habuerunt hucusque, et debent in antea percipere et habere: Nos ipsorum ciuium et deuocionem, quam ad nos gerunt, et semper eos gerere speramus diligencius, attendentes, ac propterea cupientes ipsos in huiusmodi

183

gracia fauorabiliter conseruare ac eis eandem graciam per innouacionis et eciam specialis concessionis nostre suffragium firmius roborare predictis ciuibus el heredibus ipsorum ipsam graciam innouantes et nos eciam eandem eis liberaliter et specialiter facientes ipsis ciuibus et eorum heredibus theloneum et officia memorata damus et conferimus perpetuo; Volentes, vt deinceps in perpetuum omnem vtilitatem, que de ipsis theloneo et officiis poterunt prouenire, percipiant et habeant. ipsamque vtilitatem omni tempore in melioracionem et emendacionem dicte ciuitatis, ubi eam melioracionem et emendacionem viderunt indigere. totaliter erogent et conuertant. In cuius rei testimonium presentes litteras fieri et sigillo nostro maiori iussimus communiri. Datum Brunne, anno millesimo, trecentesimo vicesimo tercio, VII. Kalendas Octobris.

(E libro jurium civitatis Znoymensis (die Stadtrechte nuncupato) in pergameno in folio tu. I.) in curia ibidem — descripsit A. Boczek.)