LXXXIV.

fcigo Johannes filius Domini Witkonis pie recordacionis, dicti de Swabenicz et Perchta eiusdem Witkonis relicta; Notum facimus uniuersis presentem literam inspecturis, quod Zeczechius seruitor noster fidelis ac diuturnus cognatus Domini Hermanni nostri Capellani Plebani in Marueins unum laneum et agros curticule, quos Fridericus Penesticus Ciuis Brunensis quondam in sua habuit possessione, coram nobis bona ac libera voluntate predicti Plebani, nec non nostro cum fauore et consensu vendidit Viro Discreto Zyfrido Ciui Brunensi dicto de Dybaz pro quindecim marcis argenti Pragensis monete, videlicet LXIIII. grossis pro marca qualibet computatis, tali interposita condicione, quod ipse Syfridus seu eius successores duas marcas monete predicte prefato Hermanno Plebano in Marueins usque ad terminum sue vite debeant annis singulis censualiter ministrare. Et post fmem vite predicti Plebani prelibatam Ecclesiam quicunque tenebit, ac possidebit, illi sepe dictus Syfridus aut eius sequaces de prefato laneo non nisi verum et iustum censum ministrarent, iuxta quem alius laneus in predicta villa, qui vulgariter circumscribitur Purchrecht, censuat, et exsoluit. De agris vero curticule cum laneo sepe dicto venditis altari ibidem deseruient unum fertonem secundum monetam sepius promulgatam. Si quis autem, quod absit. dictum Syfridum, aut eius successores conaretur infestare, et compellere ultra, quam census et ius prenotatum se extendit, exinde bona fide manuali vice et nomine iuramenti una cum succes- soribus nostris dictum Syfridum et sibi succedentes defendere promittimus, et tueri, ut circa Jurisdiccionem prefate empcionis securi manere valeant, et quieti. Quidquid autem predictus Syfridus aut sui sequaces grauaminis perceperint, siue dampni, plenam in nos, et in nostros succedentes Jurisdiccionem habeant repetendi, si nos autem, aut nostri sequaces de sepefato Syfrido, seu sibi succedentibus* ita longe vie ad spacium simus residentes. ut ipsi nos ad Judicii potestatem non poterint reuocare, extunc ipsi Syfrido aut suis successoribus plenum ius et potestatem conferimus, ut ipse Syfridus, aut sui sequaces a nostris hereditatibus extorqueant, vel ubicunque poterint extorquere. In testimonium et firmitatem omnium pre- dictorum nostra et Ciuitatis Brunensis sigilla presenti littere sunt appensa. Datum et actum in Marveins anno Domini millesimo CCCXV. VIII. Kalendas Februarii.

(Excuss. apud Dobner „Honumenta" IV. p. 285. n. CXV. seeund. autograph. archivi Zderasiensis.)

59