CCCVIII.

i^los Johannes dei gracia Boemie et Polonie Rex ac Lucemburgensis Comes. Ad vniuersorum tam presentium quam futurorum noticiam vlumus tenore presentium peruenire, quod affectantes nunc et semper dilectorum fidelium nostrorum Ciuium Ciuitatis nostre Znoy- mensis commodis, vtilitatibus et profectibus intendere per effectum, que quidem Ciuitas nostra in metis et finibus terre nostre Morauie quasi signum ad sagittam hostium incursibus est exposita, propter quod vt continuis valeat proficere incrementis de specialibus gratiis et remediis congruis, quam plurimum indigere dinoscitur. Ipsi ciuitati nostre hanc gratiam duximus, faciendam, quod ex nunc in antea ipsa ciuitas Znoymensis specialiter in vino et sale illis fruatur iuribus quibus Ciuitas nostra Brunensis hactenus est gauisa, ita videlicet, quod in ipsa ciuitate nostra Znoymensi nullus hospitum cuiuscumque conditionis aut status fuerit ab alio hospite, sed potius hospes ab ciue, et ciuis ibidem ab hospite vinum et sal huiusmodi perpetuis temporibus emere debeat atque possit. Preterea volumus vt nullus extra ciuitatem Znoymensem residens habeat licenciam introducere vina ad ipsam ciuitatem Znoy- mensem, nec ibidem propinare tamdiu donec fiat de licentia Ciuium et videatur ipsis quod per vina que ipsis Ciuibus creuerunt ciuitas subsistere tunc non possit. Ceterum adijcimus et hoc ipsum statuimus ab omnibus firmiter obseruari quod si aliquis residens in dicta Ciuitate nostra Znoymensi extra muros et limites predicte terre nostre Morauie vineas aliquas possideat, aut alibi habens vineas quas proprijs sumptibus non excolit nec laborat, vt idem in dicta Ciuitate in vinis eisdem adducendis et propinandis nullatenus admittatur ac de hijs omnibus et singulis premissis damus dictis nostris Ciuibus plenam auctoritatem faciendi et dimmitendi prout eis et ipsi Ciuitati nouerint melius et vtilius expedire. In cuius rei testimonium presentes literas fieri et sigillo nostro maiori iussimus communiri. Datum in Bacherako anno Domini Millesimo Trecentesimo vigesimo sexto, feria sexta ante Dominicam qua cantatur: Esto mihi.

(Orig. membrau. com sigitlo ex parte rupto in arcbivo ejusdem civitatis.)