CLIX.

tvier, Johans, von Gotes Parmung, zv den zeyten Abte datz Prukke in dem Chloster pey Znoym, vnd wier Henrich, Prior, vnd Gehart Subprior, mit samt vnserr Sammung vuorgehen, vnd tuen chunt, an dem gegenburtigen prief, allen den, di in ansehent, oder hoerent lesen, di nu lewent vnd noch chuonftich sint, daz wier mit zeitigen rat, vnd mit aynmütiger betrachtung, zv den zeiten, do wier iz wol getuen mochten. Daz Holtz, daz do haizzet der Vmlauf daz di Edlen Herren, di Alten Graven von Hardekk, gawen zv vnserm Chloster Hincz Pruk gegewen ha wen/den Edlen Herren, Grafe Berchtolden von Hardek, vnd Graf Burcharten seinem Pruder, in vnd ier peder Erwen, ewichleich zv hawen, mit allen dem recht alz wier iz gehabt hawen, in gwer, vnd in gwalt, mit alle dev vnd dor zv gehoert, vuorsuocht, oder vnvuorsuocht, wie iz gehaizzen sey daz zv dem vorgenanten Holcz gehoert, vm einen wider wechsel dreyer March geltez. di gelegen sint daz Marhern in dem lande, dez vnz di vorgenanten herren, vnz, vnd vnser Gotshaus, gentzleich, vnd vollichleich bericht hawent. Dor veber gewen wier, vorbenanter Abte, den Edlen Herren Graf Berchtolden von Hardek, vnd Graf Burcharth seinem Pruder, in. vnd ier peder Erwen, den gegenbuortigen prief, vuorsigelt mit vnsenn Insigel, vnd mit vnserr Sam mung Insigel bevestent, vnd behangen, zv einem ewigen vrchuonde, vnd zv einem offen gezevg diser sache. Der prief ist gegewen datz Pruk in vnserm chloster, zv den Zeiten do man zalt von Christes geburd Tovsent Jar. Drev hundert 4ar, darnach in dem zwaynczigistem Jar, An Sand Veytz tag.

125